السلام عليكم
بنات انا علاقتي باهل زوجي علاقه ظاهريا كويسه بس الله اعلم بالنفوس دائما حركاتهم يطبقوها عليا الحمدلله ما جاهم مني شي
الاسبوع الماضي كان زواج بنتهم تخيلوا ما عزمونا لا انا ولا زوجي وربي بدون سبب
قبل الزواج بيوم زوجي كان عند اخته العروس تخيلوا ما قالت له تعال بكره زواجي لا ساكته
انا بالصدفه ما كانا عندنا مويه في البيت فراح زوجي بيت اهلو عشان يتروش تخيلوا اكتشف انهم مشغولين بزواج بنتهم (اخته)
طبعا انا كنت عندهم قبل الزواج بيومين ما كلموني ولا جابوا سيره ساكتين ومافي اي تجهيزات
خاصه انهم قالو لنا انهم كنسلوا الحفله
وسالت ام زوجي قبل الزواج بيومين في حفله قالت مادري
انا قلت لو في شي كان بان يعني مانى شايفه اي تجهيز ولاشي
طبعا لمن راح يتروش وعرف انه فيه زواج فلمن حسوا انهم اتورطوا قاموا قالو له دق على حرمتك واعزمها هدا الكلام المغرب
انا طبعا كنت في السوق
ورفضت
قلت لزوجي ماني رايحه
ودقت ام زوجي عليا الساعه 8 العشاء عشان تعزمني ورجعت دقت عليا الساعه 12 الليل يعني من وسط الحفل
المهم انا ما رديت
ومن بعدها لين دحين ما اتصلت فيها وهي ما اتصلت
اليوم المفروض اروح لها مارحت وهيا بالعاده لمن اتاخر تتصل
اليوم ما اتصلت
موقفي صح ولا غلط
مع العلم ان حتى زوجي ما حضر لانه زعل مره لانهم ما عزموه ولا عزموني رغم انه كان عندهم قبل بيوم وحجتهم ماندري بنسوي حفله او لا
ليش يا بنات هما عملوا معانا كدا
لا تقولوا انتم اهل وما يحتاج عزموه انا عارفه انو اهل
بس هما قالوا ان الحفله اتكنسلت وانو مافي حفله خلاص مافي ولاشي
وكل ما اسال ام زوجي تقول مادري متى الحفله
وتقول ماندري في حفله او مافي ليسا ما نعرف شي
الموضوع مغلق