ايش لي كنت متوقعتيه في الزواج ومالقيتيه وحطمك وش لي ما كنت تتوقعينو ولقيتيه

هذي مشكلتنا نربط الخيال بالواقع ولما نعيش الواقع بننصدم ونتعب كثير بس الحمدلله الحياه فيها الحلو والمر سواء كنتي في بيت اهلك او في بيت زوجك وقلة الدين والثقافه وعدم تحمل المسؤليه من الرجل او المرأه هي سبب المشاكل فالزواج نعمه عظيمه من الله ويجب علينا شكره فله الحمد والشكر والحكمه من هذا الزواج الاستقرار والموده وتحصين النفس عن الحرام وتعدد النسل تكوين حياه أسريه سعيده فمنا من ينظر هذه النظره الايجابيه ويستمتع ويرضى بحياته ومنا من ينظر للزواج بالنظره السلبيه فيمل ويحاول الهروب من هذا القفص اي المشكله في الاشخاص وليس في الزواج

االزواج حلو ورومنسية ودلع واستقرار نفسي وخصوصية الحمدلله

وبصراحة ما انصدمت بشى كل الي تمنيته لقيته

الحمدلله

بالنسبه لي انا واقعيه ومو رومانسيه مزاجيه يعني

كنت اتوقع اي شي بالزواج وتعلمت المسؤوليه ببيت اهلي لاني الاكبر فيهم

وشايله نص المسوليه عن امي

يعني امي كانت مسويه نظام عسكر بالبيت الله يسعدها ههههههههه

وابوي من النوع متشدد علينا وع اخواني الشباب مانطلع ولازم يقفل الباب

حتى جمعات امي مع جيرانها يحاسبها ويحاول يحلل وناستها ويكرفها اكثر بالبيت والعيال وعماني اللي مايستحون

ويخترع اي زعله عشان يمنعها تطلع ويختصر عالمها ع اعمامي واهله

وكل سنه يجيب واحد من اعمامي ويعينه بمنطقتنا عشان يشغلها وكل يوم هواش وصياح ومشكله
<< هذا ابوي الله يهديه

فتوقعت كل الرجال كذا وكلهم نكديين وانانيين وكلاب

ويوم تزوجت ومرت فتره لقيت بيت زوجي اريح بكثير من اهلي ماشاء الله

انام وقت ماابغى اطبخ اللي يعجبني اطلع متى مابي واللي اطلبه يجي بنفس راضيه

واللي عاجبني اكثر انه مشجعني اكمل بكالوريوس واخذ شهاده

بس الزواج مسؤوليه يبيلك لباقه بالكلام مع زوجك
ولباقه وانتباه مع اهله

والتطنيش ومجاملات كثيييييييييييره ع حساب صحتك

واكبرها المسؤوليه والعزايم لازم تكونين قداها خصوصا اول سنه

لانها هي اللي بتكون رصيد لك والانظار عليييييييييك

لازم تحرصين عليها

انا لي سنتين متزوجه بس اول سنه غثه تعبت كل شوي ناس جايين من مناطق

وكرف وحمل وقرررف فطور وغدا وعشا قهوه شاهي ترتيب كنيس غسيل

ومافي احد يساعد لاخدامه ولا غيره

حتى بالنفاس مارحموني جايين بيتي يحضرون حفلة ولدي ويتابعون تصرفاتي

وتعبت تعب التهبت الخياطه وجايني زي البواسير ع حساب المجاملات بغيت اموت

وهالسنه غييييييييييير

زوجي كرمني ادرس وريحني كثير وخلاص الناس عارفين اني سنعه وست بيت من كلو

وبس


يعني ياااعراييييس لاتخافو اول سنه شدو حيلكم فيها والباقي عادي ولسانك هو اللي بيحدد زوجك

خذيه بالكلمه الحلوه والسياسه ترا يضيعهم الكلام الزيييييين

الله يحفظلي زوجي وولدي وربي هم احلا مافي حياتي

الزواج عطى قبل مايكون أخذ

اذا تبين شي من زوجك عطيه قبل وتشوفين كيف يكرمك

كلمات الحب والغزل كثير من الرجال ما يعرفونها الا اذا سمعوها من المرأة سبعين مرة
بعدها يبدأ يرددها مثل الطفل اول ما يبدأ الكلام !!

لن تاخذي شيئا من الرجل اذا لم تقدمي مثله
اذا اردتي الاحترام قدميه له
اذا اردتي الرومانسية كوني الرقيقة العاشقه
اذا اردتي الكلام الحلو سمعيه اياه

انصحكم بكتاب المرأة من الزهره والرجل من المريخ

اذا لم تقرئيه فلن تفهمي زوجك ابدا
!!!!!!!!!!!!!!!

الزوااااج يهببببل وزوجي اكبر هديه من ربي الحمدلله ومشاءالله تبارك الله ويارب يسعدني ويسعدكم ويرزقني الذريه الصالحه