ملفنا السابع لاستشارتنا المطبخيه

دى الجبنة الكيرى اللى بالكيلو يا بنات اللى قلتلكم تحشو بيها الجلاش ... فاكرين

لأ خلى المقدار زى ما هو علشان التوريق لكن لما تحشى باللحمة المفرومة ابقى صفى بقدر الامكان الدهون من اللحمة بالمعلقه

صباح الخير
صباح الجمال والسعاده
ايوه كده ارجعوا ياحبابيبى بحبكم جدا ولا يمكن استغنى عنكم كلكم

عملت صينية جلاش بالقشطة وباظت
تفتكروا ليه
جوزى عاوز جلاش طرى هو بيكله فى محل كده طرى فانا قولت ايه
جلاش هسقيه شربات خفيف سخن زى البسبوسة عشان يبقى طرى بقه
حقيقى تعبت فى الصينه 2 لفة جلاش وسمن بلدى وحشوة القشطة وكلفتها
وسويتها ورشيت الشربات السخن
مااقولوكوش اتعجنت فى بعضها وكشت ومابانش ليها ملامح
زعلت جدا وخصوصا انه كان واخدها ياكلها مع اصحابه واترمت فى الزباله مكنش ينفع فيها اصلاح لانها اتعجنت كده

قولوا لى بقه انا المفروض اعمل له جلاش طرى اذاى

صباح الخير على احلى بنات

ربنا يكرمك يا مها على السؤال ويبشرك بالخير دايما زى ما بشرتينا برجوع فراشه ودندون والملف دايما منور بيكى وبكل البنات انتى ومنى وام حازم وسموحه وحنون ويارب باقى البنات ونتجمع في الخير دايما يارب
تسلم ايدك ام حازم انا بقالى فتره مفيش نشاط خالص نادر ما بعمل حاجه حتى ولادى زعلانين من الموضوع ده ربنا يصلح الحال ويرجع الواحد يفنن ويبدع في المطبخ ربنا كريم يارب
وفراشه ايمان وحشانا اوى اوى بجد وعلى طول كنتى في بالنا وبنفتكر وصفاتك اللى محتفظين بيها عندنا وتعتبر كنز عندنا ربنا يديم المحبه والصحبه الحلوه بينا يارب
منى بالنسبه للجلاش لا مش تحطى عليه شربات سخن ده للبسبوسه بس انما الجلاش والكنافه بارد وهما سخنين ولو عايزه الجلاش طرى ابقى غطيه بورق فويل بعد ما يخرج من الفرن وتسقيه هيبقى طرى باذن الله
الاخت اللى بتسال على القلايه انتى تقدى قلايه الزيت العاديه ولا الصحيه اللى بمعلقة زيت واحده ياريت توضحى عشان نقدر نفيدك
واخيرا دندونتى ربنا يخليكى لينا ومايحرمناش منك ابدا يا ست الكل يا حبيبتنا كلللللللنا