(^_^) ملف بنات رأس الخيمة (^_^) الجزء الثاني

القطريه

بصراااحه يا الغاليه مال الذباااح ما اعرفه

ان شا الله يفيدونج البنات...

هلا والله ببنات راس الخيمه ...شخباركن ...
أمواااج سبقتيني ...يالله وراكم انشاء الله بعد اسبوعين ...انشاء الله حصلتولكم رفجه حلوه ..احنا قاعدين اندور بعد...
غصون الأصالة ...الله يشفي مريضتكم يااارب ..بس لو تنقلونها بوظبي احسن المستشفى العسكري او خليفه يمدحونه وااايد

أم سعيد مبررووووووك رجوووع الحيااة للنت عندكم .....

============================

اقووول ام سعيييد تسلم ايدج ع المجبووووس اللذيييذ:42: :42:

اخبركم بنات تراني اليوم الظهر مريت على ام اسعيد واطب عليها فجأه وهي في المطبخ
والا اتيني ريحة مجبوسهااا اللذيذ جااان اتعزم عليي تمي اتغدي ويانااا

وانا بعد ما صدقت خبر ...يلست :eek: :eek: وطلعت الموبااايل وهااات يا صووور

تعرفوني لازم أشارككم في الأحداث المهمه :hahaha: :hahaha:

وهذا العصير عصير الضيافه طبعا خخخخ


وهذا الغدا ...



واخيرا الحلو (وكان جلي الفراوله مزين بالبرتقال (وهذي طريقته موجوده بالجزء الثاني من الكتب ماخذتنها من ام سعيد الله يحفظها )



تسلم اييييييدج ياااا ام سعيييد

أسما

شحالج الغاليه ...يا خساااره جان ترابعنا وياكم ....

نحن كنا ناوين انسير 20/7 تقريبا لكن ريلي حصله ربيع من ام القيوين ربعه في الشارجه

خبروه عنه وانه دايم يسير بالبر ويعرف الاماكن زين ((ترى ريلي كل ربعه من الشارجه وعيمان )) فالاخ مرتب اموره ومكلم الريال

وفاجأني أمس خلاص الخميس الياي بنسير ويا بو محمد ...واختج اتوهقت لاني مب متجهزه

لا بلأغراض ولا نفسيا ولا أعرف حرمة الريال ولا أهله لكن الواحد لازم يكون مرن في هاي المواقف ...وان شا الله ها اليومين بجهز

الأغراض وان شا الله يارب ايكونون ناس طيبين لانا بنرافقهم في سوريا ولبنان طبعا

أكثر شي في الطريج اما هناك فكل حد له خصوصياته ...

وان شا الله تحصلون ربع زينين حبيبتي ..

وااااااااااااااااااو المجبوس وصلت ريحته عندي ...(ما تغديت ...الريجيم...اهيء اهيء)
والحلو شكله وااايد حلو كيييف مسويتنه شرات الجريب فروت ...
امواج عسى دروبكم خضره وميسره يااارب