السلام عليكم ورحمة الله..
كيفكم يا قمرات..أنا بخير ومشتاقتلكم كتير ..مووووووووووووت يا عنودة:42: سمعتيها ولا لسة:22:
حتسمعيها إن شاء الله:26:
أول شي إشتراك الdsl تبعي خالص.. وبتعاجز أشبك من العادي لأنه بطييييييييييييييييييييييييء كتير
وبعدين فجأة قربت سفرتي للأردن أسبوعين أو أكتر بدل 12-8 صار الموعد إن شاء الله 20-7
وانعجقت كتير طبعا .. بدون ذكر تفاصيل.. بس هادا تبرير الغياب تبعي..
بالنسبة لمواضيع النقاش.. أنا بحاول بالإجازة أتواصل معكم إذا ربنا راد.. وعن جد فكرة عنودة تبعت الجدول ممتازة بس حطوه وخلونا نبلش..
وأنا بقترح نمسك الجدول لأيمان .. عشان يطلع الجدول أمور وخفيف دم .. طبعا ولا يهونو الباقيات..
بالنسبة للمواضيع المطروحة حاليا..وملاحظة خفي علينا يا أمون وما تخترعيش مواضيع وانتي مش متحممة بعدك عشان متحكيش راسك كتير وتورطينا بموضوعين تلاتة فايتات ببعض..:30:
أول شي.. الحالة النفسية والعبادات:
أنا كتير بلوم نفسي لما بكون بوضع صعب أو بمر بضيقة لاسمح الله لأني على طول بصلي وبقرأ قرآن وبدعي.. طبعا مش بزعل لأني عملت هيك.. بزعل لأني ما تذكرت أعمل هيك غير لما تدايقت.. والتقصير طامرني من راسي لرجلي.. الله يعيننا ويغفرلنا يا رب..بحياتي اليومية بصلي الفروض.. وقليل بصلي قيام ليل والأذكار قبل النوم وبعد الصلاة والصبح .. مش دايما مداومة عليها.. بتمنى ربي يثبتني عالطاعة زي رمضان لأني برمضان بحاول أكتر إني ألتزم بالقرآن والأذكار والتراويح وصلاة التهجد..وبصراحة بلاقي البركة بتزيد ببيتي برمضان وربنا بيبعثلنا رزق من حيث لا نحتسب..اللهم بلغنا رمضان يا رحمن يا رحيم..
الموضوع الثاني..التطنيش:
أنا للأسف مش من النوع اللي بطنش.. ولا بقدر أمرق.. يا ريتني هيك!!
حياتي متعبة كتير نفسيا لأنه الطبع غالبا بيغلب التطبع.. بحاول أطنش وأمشي تصرفات لغيري(مين ما كان) بس بأول فرصة بيصير فيها نكشة بتدايقني من الشخص.. للأسف.. بطلع القديم والجديد.. مش شرط طبعا أذكر الشخص بالشئ اللي دايقني.. بس بتصرف على هالأساس.. وهادا الحكي من زمان بس لما تزوجت عم بحاول كتير أحيان أغير هاي الخصلة السيئة جدا فيي.. لأنو مع الشخص اللي عايشة معه بالثانية ما بتقدري...لا تطنشي دايما.. ولا تمرقي دايما.. المهم.. تعملي اللي بمصلحة العلاقة الخاصة بينكم بشكل عام مهما كانت النتائج عليكي.. يعني صرت آجي على حالي ببعض الأحيان بسسسسسسسس بحدوووووووود..
الموضوع الثالث..النصيحة:
بإختصار.. أنا ما بستشير غير الناس اللي بثق فيهم وطبعا ما بسأل إلا ليكون عندي استعداد آخذ بالنصيحة(لو أقنعتني) أما اللي عندهم عادة ينصحو الناس عالطالعة والفايتة ( اللي بتقلك.. خدي مني.. سوي كذا.....) أو(إسمعي نصيحتي يختي..) فطبعا بشكرهم.. وبسوي بالأخير اللي بيناسبني.. ومرات بسمع شغلة منهم بترن براسي مقولة (الحجر اللي ما بيعجبك.. بيفجك) فبسمع منيييييييح أكتر من ما بحكي.. وبالأخير الأهم هي القناعة..
ويعطيني العافية.. يا رب:26:
جرجرت كتير عن أسبوع.. منيح هيك..؟!!
لقاء الأحبة *3*
متابعة النقاش، صفحة 167