بنات االإمارات لا تردوني 0(ساعدوني)

أرجوكم أنا متوهقة ساعدوني(من فرج عن مسلم كربه فرج الله عليه كربة من كرب يوم القيامة)
عندي مشكلة انا خريجة ثانوية هالسنه ومسجلة في كلية التقنية (IT) بس قالولي جامعة زايد احسن وانا محتارة ما اعرف شاسوي انا اوراقي كامله في الكلية اخاف احول واتأخر مثل ما حصل للكثير من الطالبات والطلاب ما اعرف احدد قرار وما عرف شالأحسن اظن اخر يوم عسب التغيير 5/ 7
قولولي وشورو علية شأسوي

شالاحسن الجامعة ولا الكلية اغير ولا ما اغير شي وقت ولا ماشي شورو علية

انا وايد حزينه وافكر ما اعرف خايفة وااااااايد

6 تعليق 724 مشاهدة

شاركي في النقاش

سجلي الدخول لإضافة تعليق.

التعليقات

6
  1. @cuty_girl

    جامعة زايد وايد أصعب عن التقنية وأهم شي قدراتج الكتابية لأنج وايد بتكتبين هناك ولازم تعرفين القوانين وخاصة الغياب وادا الGBA نزل انتي مهددة بالطرد تراه ينزل من الغياب أو التأخر فأنا أنصحج شو اللي انتي تشوفينه ترا الاثنين فيهم صعوبات ولا تسمعين كلام ربيعاتج ولاحد ردي لنفسج خذي قرار وامشي عليه لأن ماحد ينفعح بالكلية أو الجامعة لا هلج ولا ربعج ردي لنفسج وشوفي أي تخصص تبين اذا موجود في التقنية أو زايد وروحي له لأن بالأول لازم تتأسسون على حسب مستواج يمكن تعدين أسرع أو أقل قتتأخرين بالجامعة وبعدين تدخلين كورسات اختياري وبعدين تخصص هذا بالنسبة للجامعة مادري عن الكلية
  2. @bnt_alasol_3

    انا لا في جامعه زايد ولا التقنيه انا في جامعه الامارات ..لو اعرف عنهن شي جان افدتج ....
    ان شاء الله البنات يساعدونج ....
  3. @hzynh_zayd

    *بنت الأصول*
    انا لا في جامعه زايد ولا التقنيه انا في جامعه الامارات ..لو اعرف عنهن شي جان افدتج .... ان شاء الله البنات يساعدونج ....
    شوفي اختي انا مثل ما سمعت عن جامعه زايد الانجليزي مالهم وايد صعب يعني اصعب من التقنيه وانا خريجه من التقنيه والانجليزي مالهم اوكي يعني انا بصراحه اول ما دخلت ما كنت اتكلم كلمتين على بعضهن والحين الحمدالله بلبل مثل ما يقولون بس انتي شوفي طاقتج وقدرتج على الاستيعاب يعني اذا انتي كنتي اوكي في الانجليزي وحاسه انج تمشين شوفي جامعه زايد ولا تسمعين البنات اللي يقولولج وقفونا كورس فالتقنيه او طردونا الكليه مستحيل تطرد وحده او تفصلها الا اذا كان الغلط من البنت وما كانت اتذاكر ومب مهتمه و دوم اتغيب لازم بترسب

    شدي حيلج وفكري عدل وشوفي انتي شو اتحبين واستخيري احسن لج وربج بيسر امورج

    وطمنينا عن حالج واذا تبين اي معلومه زياده لا تستحين واسألي
  4. @cuty_girl

    أحسن مافي جامعة زايد انج لو انتي اوكيه مع الادفبسور رح يحلج مشاكلج على الأقل جامعة زايد تقدرين تتفاهمين معاهم حسيت اني ما شرحت اوكيه بالأول وجامعة زايد اضمن لج في الوظايف

تابعي تجارب أخرى من هذا القسم.