شاركي في النقاش

سجلي الدخول لإضافة تعليق.

التعليقات

23

  1. @anmar444

    انا اشوف اذا طولو في الجلسه اجلسي وسولفي معاهم وصبي لهم القهوه كانهم ضيوف عاديين ..نصيحه مني تصرفي كانهم جايين مو للخطبه سولفي لان هم جايين يشوفون اسلوبك تصرفاتك مو يشوفوك وتطلعين . اقولك من تجربه ....والله يوفقك

  5. @strawberry_kiwi

    بالنسبه لتجربتي ,, كانوا من اقاربنا من بعيد وسبق شافوني ,, أمي ضيفتهم قهود وبعدها الشاي وسألوا عني وطلعت ,, بصراحه ما ضيفت امي كانت قايمه بكل شيء (( بصراحه بالايام العاديه ما اخلي امي تضيف وانا اتفرج )) بس أمي طلبت مني قبل شكلها خايفه أجيب العيد وينكب شيء ,, طبعا انا خجوله وطرما لكن سبحان الله انزل علي السكينه كأني اعرفهم من زمان (( مستحيل اسولف مع ناس غرب )) بس أمي قالت لي كوني طبيعيه وقلت في نفسي مستحيل تطلعين على ناس ويتفرجون عليك وتكوني طبيعيه شيء طبيعي بتخجلي ,, ولبست لبس أنيق وطلعت لهم سلمت وجلست مقابل لهم (( طبعاً بتوصيات الوالده ولأول مره البس طوق وبلفظ آخر تاج علشان يشوفون ملامحي )) ,, طبعا في البدايه عم الهدوء والصدمه وصاروا يبحلقون فيني ويقزون لدرجه انصدمت لاني من البدايه رافضة اطلع للحريم احس كني عنز ولا فستان عجبهم ولا لا ,, بعد ما شفت صدمتهم فيني بغيت ابكي من الفشله حسيت إني ما عجبتهم أو هم خاطبين اختي وغلطوا باسمي ,, وجلست اطالع في أمي نظرات مغرقه بالدموع تراني بهج وأمي تغمز معليش اصبري ,, وبعدها جلست اشجع نفسي وشفيها إذا ما عجبتيها انتي أحلى منهم ومؤدبه ومثقفه وموظفه وانيقه (( اعزز لنفسي وألعب عليها علشان ما أطقها بكوه )) ,, وبعد ما فصفصوني بدأو بالإستجواب سبحان الله لا نافقت ولا توترت ولا ارتبكت بشخصيتي الطبيعيه ,, وسالفه ورى سالفه ,, وبعدها أمي تركتني علشان تجيب العصير وطولت يمكن ربع ساعه (( طبعاً هو جاهز بس تبيهم يستفردون فيني أو إذا بيسألون شيء محرج )) وكملتها سوالف بهدوء يفتحون سالفه وإذا طالعوني أرد عليهم وابتسم ,, وبعدها طلعوا منا و شلتهم من راسي قلت ماراح يوافقون وهم اصلا الخسرانين ,, ونسيت السالفه بعدها ردوا باسبوع إني عجبتهم ,, وبعدها الموضوع تفركش ,, معليش طولت البربره بس علشان تستفيدوا من تجربتي ولان اي بنت عندها نظره تشيل هم وتسأل عن ادق التفاصيل ,, والله يرزق العزباوات بالرجال الصالحين النقيين المخمومين القلب ,,

تابعي تجارب أخرى من هذا القسم.