افضل محلات المطابخ بمكة .....الهمة يا مكاويات /// قديم

أنا زيك حايسه في المطابخ
العيدروس طبعا تب والكل اجمع عليه بس أسعاره غاليه
طيبه في النزهة عملت مطبخي القديم قبل ثمانية سنوات عندهم والصراحة روعه وأتحمل الين نقلت وهو زي ماهو كانه جديد ولو مؤ النقل ما فرطت فيه بس الصراحة كمان أنا ما عندي شغاله تخرب وتكسر كله شغلي والحمد لله محافظه عليه
حاليا بأعمل مطبخي عند محل الديار السعوديه قبل مستشفي النور درت كثير واستخرت وربي يسرلي دا المحل يارب يظبط ويطلع زي ما ابغي وأحسن والصراحة العامل مصري حسيته فاهم ومريح في تعامله وكل شئ اطلبه يحسبه بالملم علي الورقة بعكس محلات كثير رحتها الصراحة حسيتهم مؤ فاهمين وبس يقلي طيب اعمل وأنا عارفه المساحة عندي ماتساعد يعني بس يبغي يكتب عقد بسرعه مستعجل
في محل اسمه علي ما اعتقد المطابخ الحديثة أو شئ زي كده في الحديثة خخخخخخ قبل العيدروس صاحبتي عملت عنده ماشاأء الله ٣مطابخ وكلها روعه ومره تمدحه بس هو مقفل للتجديد وكاتب لوحه ورقم تقول خذي الرقم وكاميه انك تبغي تفصلي عنده واتفاهمي معاه صاحبتي تقلي أنها وصفت له اللي عند العيدروس وراح شافه وطبق لها نفسه بالضبط بس للأمانة أنا ماشفته بس علي كلامها مره تمدح فيه
وبس هذا اللي عندي يارب أكون أفدتك بشي لأني زيك ليه فتره دايخه علي المطابخ اللين دخت وداعي لي مطبخي يطلع حلو وممتاز افضل مما اتوقع

نسيت أقول مطابخ طيبه أنا فصلت عنده قبل ثمانين سنوات أما الآن ماادري كيف صار شغلهم لانه شفت وحده تذمهم فالله واعلم كيف صار شغلهم

طيب كيف الصامدين
من جربته

عندك عضاضه شغله حلو ورايق وذوق والعيدروس واعتقد الف نون فتح في مكه شغله حلو