اختي ،،، وحماي ، اتدخل والا لأ

مادري موقف صعب ..،

مافيها شي بس ماتكون صريحه تكون باسلوب ممكن تجيبينها لزوجك بطريقه غير مباشره ماتبينيله انه ابوك قلك لا باسلوب مزح قوليله ليش ماتزوجون اخوك هو رجال والنعم فيه والف وحده تتمناه انا لو يخطب اختي فلانه اول وحده اشجعها واقولها وافقي عليه وبكذا انتي رميتي عنده الكلام  ووضحتيله يمكن ماتكون ببالهم ولمن انتي تقوليله هذا الكلام تنبهينه ويقول لاهله على اختك

عادي خبري زوجك انه أبوك قال انه شايل هم بنته وقال انه يتمنى انه حماك يأخذها 

بغيتيها مني لا تتدخلين ابدا

ياختي لو يبيها خطبها ويااقوها على اختك لو تدري انك عرضتيها ورفض ما يبيها وصدقيني يخلي شيء بالنفس
هو لو يبيها يدل بيت ابوووك
ادعي لها بالزوج اللي يسعدها ويتقبلها
ابوي مثل ابوك يبي يزوجني ويبي اكون قريبه ومن هالحكي
وسبحان الله ما يخطبني الا غريب
الاقارب مايبون ولا انا ابيهم وابوي صار يزعل ليش رفضتي قرابتك
بالنسبة لي ما ابيهم
والكل يقووولي بيروح عمرك ماتزوجتي
وسبحان الله لما ربي كتب اتزوج تزوجت شخص غريب عن العيله
مقدر وضعي الصحي واهله مقدرين ولله الحمد والفضل والمنه
مو دايم الاقارب يكونون الافضل
ويمكن اختك عسل والشاب عسل لكن بينهم الحياة ماتمشي
ادعي ربك يرزقها اللي يسعدها ويريحها وصدقيني ماجاء نصيبها واذا جااااء ماراح يرده شيء وراح يصير الزواج
كل شيء مكتوب على الانسان من ميلاده لين مماته لاتستعجلون عليها شيء رزقها مكتووووب

بغض النظر عن موضوع الزواج كله في نقطه مهمه
اذا تزوجت أختك مين بيجلس عند أبوكم ويراعيه بمرضه ؟
اذا مافي احد بالبيت غيرها فالأفضل أنها تأجل الفكره مراعاة لظروف
الوالد