ملفنا السابع لاستشارتنا المطبخيه

هدور لكم عليه فى سبينس اما اروح
انا لقيت الكريسكو هناك وما جبتهاش غاليه
واما نزل عليها عرض كانت بردو غاليه وعلى ايه الزبدة النيوزلندى احسن منها
انا عندى جيلاتين بودرة و ورق كده ومركون بقاله اربع سنين فى الثلاجه ولا بعمل بيه حاجه
اما اتجوزت كنت فاكرة نفسى شملوله هعمل كل حاجه وجبت من كله وكله مركون وابلى باظ اترمى
وعندى كريم شانتيه دريم علبه قليل الدسم بقالها سنه ونصف فى الثلاجه

مبروك يا ام زوما لسه داخله ولاقيت مكتوب فوق انك فوزتى الف الف مبروك حبيبتى تستاهلى كل خير والله ربنا يكرمك دايما يارب
بنات عايزه األكم على فرامة التوم دى اللى هيا بجزئين جزء يفرم التوم شرائح والجزء التانى يفرمه ناعم حد شافها بتتباع فين ياريت يفيدنا

صباح الفل يابنات بسلم عليكم جميعا يارب دايما مبسوطين وبصحه وسعاده وراحه بال وابله دينا منورة الملف وفي انتظار الجلاش بالكيري تسلم الايادي البنات اللي بيتابعوا الشيف محمود عطيه علي قناة الأسرة والطفل هو حاليا في قناة الناس وكل يوم ماشاء الله عليه انصحكم تشوفوه  اماني انا اول مرة اشوف القطاعه دي بصراحه بس فكرتها حلوة .

سلام عليكم يابنات
فينكم بقه

امانى انا عندى قطاعة التوم دى ولا ليها اى لازمه ودوخت على ما لقيتها وجبتها غاليه من 4 سنين بحاجه وثلاثين كده هى تقيله وملهاش اى لازمه عشان التوم بيلزق فيها وانتى بتدوسى وبتظطرى تطلعيه منها بصوابعك وبيبقى قطع مشرشرة كده بس والجزء ايلى بيتفرم من التومه قليل جدا مش عمليه اطلاقا اتمنى تكونى فهمتينى احسن حاجه للتوم عن تجربه

دالكبه الصغيرة مولينكيس او براون او كينوود وتفرميه بشويه ملح كويس هيفرم جدا ويبقى تحف
اوعى تكونى عاوزة تخزنى توم فى الفريزر ده يبهدله ريحه فظيعة

مها
اذيك كنتى فين
شيف محمد فوزى راح الحياة طبعا مش هتشوفيه هناك ههههههه
انا مش باشوف اى شيف ولا بتابع التى فى خالص

فراشة اااذيك وحشانى
بصى ممكن تستخدمى جيلى الموز بديل عن الجيلاتين
وهبص لك على الجيلاتين ده فى سبينس واقولك
انا بادور على ورق كب كيك حلو زى ايلى بتعرضة الشيف لطيفة فى فتكات لو شوفتيها
ومحدش يعرفه فى كارفور او سبينس
وايلى بيتباع فى محلات البلاستيك وكده وحش جدا
دوخت عليه وجوزى مش هيرضى يودينى ماركاتو عشانه مخصوص
انتى بتجيبيه منين

عاوزة اسئلك يا فراشتى
انتى معتمدة كيك اللبن الساخن طبعا كتورته وكيك عادى وكب كيك وسويسرول وقدرة قادر وماربل
صح ولا فى تعديلات
وبخصوص قدرة قادر والسويسرول فيها ايه تكنيكك فيها

انا خلاص اعتمدتها لسهولتها
فكنت عاوزة اعرف منك استخدامتها الناجحه بالنسبة ليكى