‏يامرحبا بالي لفانا من بعيد حياكم الرحمن عسولات امريكا 2

أنا أبحث عن الأفضل وأسأل واستشير ما أحب أعتمد على إحساسي وبس

الله يكتب اللي فيه الخير





فعلاً دائما اسمع ان الشعب الأمريكي فرندلي وشعب منفتح على كل الثقافات عكس الأوروبي عنصري لكن سألت بنات بريطانيا قالوا بالعكس مافيه أي عنصرية بالمقابل صديقتي بأمريكا تعرضت للضرب هي وزوجها بعز النهار بشوارع امريكا !

هذا مايعني إن أمريكا بلد عنصري ولا بلد غير عنصري الأمر يختلف من ولاية لولاية فيه ولايات بدائية وسيئة من البنية
التحتية إلى الشعب

جزاك الله خير ماقصرتي وانا فعلا حابة اسمع اخبار البنات هناك وهل هم مرتاحين ونوعية الحياة عشان امريكا بالنسبة لي هي خيار إجباري لأن محرمي هناك من سنة وماعندي محرم ثاني يروح معاي وأحاول بشتى الطرق اغير رأيي وأتأقلم مع أمريكا

الله يكتب اللي فيه الخير :26:

أهلا مرآة روح أنا الآن في أمريكا صراحه الحياة والشعب جداً سلس لدرجة أني إذا ركبت المواصلات العامة وابغا اعرف مكان بروح له الأغلبية يتساعد معي ويحاولون يفهموني لآني اللغة عندي مؤ ذيك الدرجة وأنا سافرت لكذا دولة بصراحه ماقد شفت مثلهم شعب ودود وماهو فضولي لدرجة أنا بحجابي كامل ولثام امشي في مكان أحيان مافيه محجبات ما احد يطالع فيني أبد كأني مالبست حاجه غريبه عنهم صراحه يحسسونك بالانتماء كأنهم يقولون بلدهم للجميع

ما شاء الله عليك الله يزيدك ستر ويرزقك كل خير

انت بأي ولاية ؟ صديقتي كانت مثلك ملثمة وتعرضت للضرب وهي مع زوجها بعز النهار :(

أنا دائما أسمع ان الشعب الأمريكي ودود جداً ويتقبل اي ثقافة لأن أصلا الشعب مكون من عرقيات مختلفة

بس كثرة الجرائم فيها ضد المسلمين تخوفني مثل العراقية اللي ذبحونها في كاليفورنيا وكثرة المعتقلين المسلمين في غوانتاموا وفيه امريكية ذبحت هندوسي في محطة الميترو والسبب انها تكرهه الهندوس والمسلمين يمكن كثرة هذه الأحداث عطتني انبطاع سيء ومخيف عن الشعب الأمريكي لي زيارة بالصيف يمكن من خلالها اقدر احكم على البلد أكثر

مراه الروح 

في امريكا او غير امريكا قبل تخرجي من باب بيتك قولي 3 مرات بسم الله توكلت على الله ولاحول ولاقوة الابالله هذا دعاء الخروج من المنزل
و قولي اذكار الصباح والمساء واستودعي الله في نفسك واهلك ودينك وان شاء الله مايصير الا كل خير.

بالنسبه لي انا البس عبايه اغلب الوقت واتلثم واحيانا البس بلوزه طويله لتحت الركب ووسيعه واتلثم 

طبعا احيانا تظطرين تكشفين للاكل او لغيره 

والحمدلله عشت في 3 ولايات امريكيه وزرا 3 ولايات ولله الحمد والمنه احسهم بيشيلوني من على الارض سواء كنت مغطيه او كاشفه بعبايه او بلوزه 

وفي الاخير ماخاب من استخار الله .