السلام عليكم ورحمة الله وبركاته
خواتي ادري ممكن تضحكون ع الموضوع بس والله اكتبه وانا من جد ما امزح باي كلمه اقولها ،، اولا انا ان شاء الله بتزوج قريب وبيكون لي بيت لحالي ان شاء الله ،، بس انا ماعرف اطبخ وان شاء الله بتعلم بس المشكله وين .؟ ما اعرف للضيافه ابد ابد ،، ممكن تستغربون بس انا مش عايشه عند امي لاتلوموني ،، وعندي عدة اسئله والي تجاوبني عليها الله يجزاها خير ،، ابي جواب لكل الاسئله بليز حتى لو انتو تشوفونه بديهي ،،
اولا لمن تجي عندي حرمه وش اقدم لها شاي او قهوه او عصير ..؟ او لو مجموعة ضيوف ،، كيف يعني ،، اصب القهوه واوزعها واحط صحن التمر قريب منهم .؟
طيب لو مثلا فيه سفره وعليها منوعات حلا فطاير مكرونه هل ان ا لازم اعطي كل وحده بصحن ولا عادي كلن تشل الي تبي ،.؟ اااه مب عارفه كيف افسرلكم :(
المهم انتو قولولي كيف تسوون بالضيافات وكيف توزعون الاكل وتغرفون للضيوف وتصبولهم وكيف تشيلون الصحون بعد مايخلصون ،، هذا اهم شي في حياتي لاني ما اعرف فيه ولا شي ياريت تدلوني ولا تستهينين باقل نصيحه ..
مشرفات خلو الموضوع ياخذ ردود بليز بعدين انقلوه هناك محد عبرني
شاركي في النقاش
سجلي الدخول لإضافة تعليق.
التعليقات
23- موضوعك مفيد
الي اعمله امشي ع الحريم بدلة القهوه واصب لهن والشاي اصبه بكاسات وامر عليهن الي تبي تاخذ ونفس الشيء للحلا والفطاير
اما اذا كان عددهن قليل تجلسي وياهن وتضيفينهن وترحبين فيهن وتسولفين وياهن
اذا العدد كبير مافي مجال تسولفين وياهن كثير
بيروح كل وقتك ع الضيافه - الله يوفقك
بس عمرك مازرتي ناس اهلك صحباتك
البنات يفيدونك ان شاءالله - الله يوفقك يا lelo 2009 على ردك
شيخة الحروب الله يجزاك خير ن، ابد ولاعمري زرت صاحباتي والله ،، والاهل نادرا ما اروح ولا اركز على هالشي لاني اكون مستحيه وقتها حيييل اطالع بالارض - هلا بك والف مبروووك ياعروسة
طبعا الضيافة توزع بصحون زي المكسرات والتمر والمعمول والشوكولاته والفطاير واللقيمات وغيرها
وكل حرمة قدامها الصحن الخاص فيها او كل حرمتين بصحن حسب ماتشوفين
انتي تكونين واقفه وتصبين لهن القهوة وعادي تجلسين اذا صبيتي
يعني كل ماتاقفين وتصبين وتشوفين كل وحدة معا فنجانها مليان تجلسين معهن وتسولفين وتكونين بشوشة معهم
تسولفين بسوالف عامة مثلا عن العيال والطقس والاسواق واي شي بس يكون مجلسكم عامر بذكر الله وبعيد عن الغيبة
واذا خلصت وحده فنجانها تقومين وتصبين لها ثم تجلسين واللي تخلص من القهوة وتقول لك بسسس
تصبين لها الشاهي
وهكذا
وترا الامر عفوي وبسيط ابسط مماتتوقعين
ولاتتكلفين بالضيافة
ولا بالكلام
الناس يبون ضيافة القلب قبل ضيافة اليد
موفقة اختي ،،، - ياعمر شوفي اهم شي تحضرين كل شي ع الطوله قبل يجون الضيوف بعدين ترحبين وتهلين وتخذين عبياتهم تعلقينه ويامرحب وياسهلا ونتي تصبين القهوة وتضيفيهم بتمر ونكانك حطتن حلا حطي عندكل وحدة صحن تاخذ منك وتحط بصحنه وكل اشوي شوفي فنجيلهم علشان تصبين لهم اذا خلصو قهوة صبي شاهي في البيالات ودوري عليهن وقدمي ضيافتك اللي مع الشاهي مثل الفطاير اذا خلصو ولزمت عليهم وخلاص مايبون شيلي اغراضك ورجعي لهم وترا كل وعداته في الضيافه
موفقه
مواضيع مشابهة
تابعي تجارب أخرى من هذا القسم.