ساعدوني ارجوكم

تخرجت من الثانوية بس ما احس بالفرح خلاص يعني ما برجع لجو المدارس لمبنى المدرسة للأبلوات لحياة الدراسة الحلوة بفرحها بحزنها بعصبية الأبلوات بطيبتهم ما اقدر اتخيل اني بودر هالحياه الحلوة وخصوصا ان في ابلة اعزها وخلاص ما بجوفها مرة ثانية :( وانا عطيتها دفتر عسب تكتبلي بس تأخرت وقالت بترده فترة الأمتحانات وما رجعتلي اياه فحتى هاي الذكرى راحت مني .. مب حاسه بحلاوة الإجازة مضايج وايد وابغي اصيح ساعدوني :(

4 تعليق 762 مشاهدة

شاركي في النقاش

سجلي الدخول لإضافة تعليق.

التعليقات

4
  1. @cuty_girl

    حتى أنا مشتاقة لربيعاتي ترجوني أيي الكلية بس اخترت الجامعة لأن هذا مستقبل مو لعبة ومدارة خااطر قعدت كم يووم مكتئبة بس اتعرفت على شلة 6 بنات وصرنا غاليين على بعض كأن ربي عوضني والله والله ان ذكريات أول سنة من الجامعة ولا أحلى لأن بنات السنة الأولى سنتهم هم يعني مدلعين وااايد مشتاقة لهالأيام أحس اني كبرت لووول
    لا تزعلين وخلييج تكلميين ربعج انا اخبر البنات يحتشرن على اللبس والشنط والنعوول قبل الجامعة والكلية وانتي زعلانة والله عورتي قلبي نفس حالتي بالضبط كنتي بس ربي بيعوضج وخليج متصلة مع المدرسة شوي وببكي الله يسامحج خلاص دمعت منج
  2. @noars_2

    صاحبة الموضوع
    لزكني حاولت اتخلص من هاشعور او اقلله بس ما قدرت علاقتي بمعلمتي وايد كانت قوية

    فكيف انسى واتخلى عن كل هذا بلحظة

    ارجو من كل الأعضاء التعليق على موضوعي ارجوكم
  3. نوارس يا قلبي صدقيني كلنا عانينا من هالشي ولا بعد أنا مصيبتي أدهي وأمر بقدم في مكان ما أعرف فيه ولا بنت يعني لازم أكون صداقات وعلاقات من جديد .. هذا حال الدنيا وكل واحد لازم يروح في طريقه .. إحمدي ربك إنك بتكملين كليه عند أهلك .. وما راح تضطرين تبعدين عن أمك علشان الدراسة لإن هذا يصير مع بعض البنات ..
    وبالنسبة للمعلمة .. إدعيلها بظهر الغيب .. وممكن تشوفينها إن رحتي زيارة لمدرستك في الأيام المفتوحة والشهادات .. وصدقيني ترى الدنيا صغيرة .. ولا تسغربين بتشوقينها أكثر من مرة بالسنة ..
    ودايم إدعي اللهم أبعد عني الهم والحزن ..
    محبتك ... ألماسة

تابعي تجارب أخرى من هذا القسم.