السلام عليكم ورحمة الله ؛
يسعد صباحكم
ربي يفتح في وجه كل إنسانة تشور علي و على الزائرات بالمستشفى أو المستوصف اللي تسوي السونار أو الأشعة فيه وتذكر السعر !
الله يجعلها من أهل الفردوس و ممن يدخلون الجنة بدون حساب ..
أنا جداً محتاجة شوركم و اقتراحاتكم في مستشفى أو مستوصف في الرياض..
الأفضلية للغرب ثم الشرق و مايمنع الجنوب والشمال إذا السعر حلو والدكتوورة شااطررة
أرجوكم أحتسبو الأجر و مابنسى اللي تساعد أو ترفع الموضوع من دعوة في ظهر الغيب و صدقة في ظهر الغيب عنها !
انتظركم وأعرف أنكم من أهل الخير ولا راح تكتمون علم تعرفونه عن دكتورة شاطرة !
الله يسعدكم جميعاً .
شاركي في النقاش
سجلي الدخول لإضافة تعليق.
التعليقات
23- انا سويت سونار عند الدكتوره يسرى خزاعي اعتقد كذا اسمها
في عيادات الاستشاريه في البديعه
ب ٢٠٠ ريال
وفي بنات يمدحونها بالنسبه لمتابعة الحمل واشوف حريم كروشات يجو عندها
بس هي انسانه صامته مادري كشيت منها ومعاد رحت لها
بس مرتين
للمعلوميه هي سوريه - وهذي عنوان دكتورات
حافضتهم عندي في المفكره اذا احتجت لهم كثير يمدحون فيهن وحفظت عنواينهن
عنوان دكتورة نساء شاطره
بعد التوكل على الله والتعلق به وحده ثم عمل السبب
الدكتورة جيهان مستوصف الأمل الطبي الرياض الإشارة اللي عند الجريسي يصير الجريسي يسار تطولين شوي فيه مستوصف الأمل على اليمين بعد عمارتين تقريبا او ثلاث الله ينفع بها يارب واذا الجريسي يمين تاخذين يسار من عند الإشارة
لجأت للدكتورة جيهان صبحى بمركز النخبة الطبى بشارع التحلية بالرياض,
لمياء السيد في مستوصف اضواء العالمي
في العزيزيه
ررراائعه هاديه جدا
وخبررره ولا تضخملك السالفه - مركز الورود
عندهم الدكتوره سمر
السونار عندهم 300 بس ماشاء الله عليها - انا أتابع عند الدكتوراه هدى بمركز مساعد الزلال مره ممتازة فتحت ملف متابعه بألف وخمس شامل كل شئ أنصحك فيها
- في بشرق الرياض الدكتوره هدى بالعيادات المئويه الاستشاريه
دكتوره ممتازه والسعر ١٥٠ ريال
مواضيع مشابهة
تابعي تجارب أخرى من هذا القسم.