من واقع تجربتكم يااخواتي
انا زوجي دايم يهددني انه يتزوج
وخاااايفه بالمرااا
انا توني عمري 24
كيف يتزوج وانا صغيره ولالنا متزوجين الاسنتين وجبت له ولد مثل القمر
دايم اينكد علي واجلس اصيح كل يومي وعيوني تورم هذا وهو ماتزوج وبعد حاليا ماعنده فلوس بس وضع زوجي مستقبلا بيصير حلو والماده بتكون مرررا كووويسه وهذا اللي مخوفني يقول اول مااخلص بنا بسكنك تحت وهي فوق ولما تزوج ماراح اقولك الا بيوم زواجي ابتصل وبقولك روحي لاهلك كم يوم لما تخلص لياليها قلت له بطلب الطلاق قال عادي كلها شهرين تزعلين وترجعين وبكل برود يقولي جعل ذا اليوم مايجي والله ياخذه غالي على قلبي ولاياخذه رخيص فوق الهم اللي عايشته من اهله بعد يجيب لي جاره
واخرتها امس اخته تقوله تملكت وحده من انسباهم وقالت لزوجي ياخساره كنت ابيها لك وزوجي مارد ولاكلمه ولوتكلمت انا بيفشلني عندهم ولما قلت له ليه مارديت عني انا في وجهك واحترامهم لي من احترامك قال لا مااقدر ازعل اختي الكبيره من بيخطب لي بعدين غيرها حسبي الله عليها الله يشغلها بنفسها يارب
المهم اللي ابي اعرفه
انتو ازواجكم كانوا يزعجونكم بطاري الزواج وبعدين تزوجوا ولافاجئوكم
وكيف علاقتكم مع ازواجكم بعد الزواج صار الزوج افضل ولا اسوء
وكيف عشتوو ايام الخطووبه وهو مشغول عنكم ومايهتم الا بنفسه
وكيف مر يوم الزواج وتشوفونه يطلع قدامكم لوحده غيركم
هل كل هذا عادي
انا ماانوم الا ومخدتي تنعصر من الدمووووووووع والله اني تعبت
حتى زوجي واضح انه ناوي يسويها وبعد يقول لاامي انا ناوي
يعني انا بعيش كل عمري بهم
سواء تزوج ولا ماتزوج
يعني بتعب نفسياط من الضره
اوبتعب من الهم والتفكير
تكفون ريحوني
الله لايحرم ازواجكم منكم ولايحرمكم منهم وجعلهم يشوفونكم احلى الحريم وجعل مايملك قلوب ازواجكم غير الله وانتو يالملكات
××× الــزوجـات الأولـيـات حــيـاكـن الله ×××
متابعة النقاش، صفحة 385