مين تعرف طريقة الارز الصيادية

مرحبا :26:
ابغى اسوي صيادية على اصولها الي تعرف تعلمني

5 تعليق 9,648 مشاهدة

شاركي في النقاش

سجلي الدخول لإضافة تعليق.

التعليقات

5
  1. @am_alfhod_2005

    شوفي عيوني بكتب لك الطريقه مع المقااااادير
    اولا سمك اي نوع تفضليه وحسب لكميه>>>>>انا ناجل او حريد او فليه
    كميه من البصل المقطع شرايح او بشكل عشوائي
    هيل
    قرنفل
    بهااارات السمك وهذا >>>>>>>>>انا جبته من السوبر ماركت
    رز حسب الرغبه
    الطريقه
    اولا جبيبي البصل وحمريه الغاية مايصبح لونه بني
    بعدين جبيب قدر وضعي فيه مع الهيل والقرنفل
    ومالح وشوي بهارات واذا كان السمك كامل خذي راس وحده او تنين وغليه معاهم
    واذا فليه قطعتين
    حتي يدخل طعم السمك في الرز
    وبعد مايغلي صفيه وعملي الرز عاااااااادي مثل طبخك فيه كل يوم
    تبلي السمك بالبهااااااارات والدقيق
    بعدين اقليه في زيت غزير
    بس قدميه عليه اوجنبه
    مع عمل صلصة الحمر وطحينه
    صلصة الحمر
    جيبي لمكعب اللي موجود في المحلات ونقعيه في ربع كااااااس ماء مغلي
    بعدين
    صفيه وضعيه في الخلاط
    مع حبة طماطم +واحد فلفل حار+و2ثوم+وعصير اليمونتين
    وخلطيه بعدين قدميه معه
    صلصة الطحينه
    3ملاعق طحينه+ربع كاااس ماء+ملعقتين خل ابيض+3ملاعق عصير اليمون+قليل فلفل اسود
    واجد توم مهروس
    اخلطي الطحينه مع الماء واليمون والخل بعدين اضيفي باقي المقاديروخلطيهم مع بعض
    وقدميهاااااااااا
    بالعافيه
  2. @am_saaod2

    بسم الله
    اول شي تجيبي 4حبات بصل متوسطه الحجم وتقطعيها متوسطه لاكبيره مره ولاصغيره مره وتحطيها في زيت على النار وتخليها لين يصير لونها بني غامق بعدين تصفيها من الزيت وتطحنيها في الخلاط (الجك)حطيلها قليل زيت عشان تنطحن بسهوله وهذا إسمها كشنة الصياديه
    وإحنا دائما موجوده عندنا في الفريزر عشانها تاخد وقت
    بعدين تضعي في قدر متوسط الحجم ماء +ملعقه غرف كشنه+بهار صحيح(هيل وشيبه وقرفه وقرنفل وخولنجان)والملح
    لمن يقرب الغليان تحطي السمك ويكون سمك كبير مثل الهامور والفارس بعد ماتقطعيه قطع متوسطة الحجم
    وانتظري لين ينسلق السمك كويس على فكره مايأخد وقت يمكن 40دقيقه

    ويكون جهزتي الرز غسلتيه زين ويفضل إنك ماتنقعيه عشان يتشرب ماء السمك
    ويكون فيه النكهه
    بعدين تصفي السمك في قدر تاني وتخلي معاه قليل ماء لانه فيه ناس يحبوه السمك المسلوق والمويه
    اللي معاه قليله لوقت التسخين لانه حيبرد عبال ماتخلصي
    بعدين تحطي الرز على موية السمك بعد ماصفتيها كويس وبعد مايغلي وطي النار لين
    يتشرب الرز زين
    واقلي السمك بجانبه ويقدم غالبا مع ةالسمك المقلي وسلطة الطحينه (طحينه +ماء+خل +ملح+فلفل اسود مطحون وكمون)
    ووقت التقديم بعد ماتغرفي الرز شربيه بالسمن البلدى
    ولاتنسيني من الدعاء
  3. صاحبة الموضوع
    تسلمي ام الفهود على الوصفة وجزاك الله خير
    ام سعود شكرا جزيلا والله ينولك الي فبالك
    بصراحة عملت بمقادير ام الفهود وسويت بطريقة ام سعود بصراحة طلعت لذيذة يسلموااااااااا

تابعي تجارب أخرى من هذا القسم.