مشكله جمعه حريم اخواني واختي كل اسبوع

السلام


حنا عايله ولي بنفس المدينه اخوين متزوجين واخت وحده وانا واثنتين من خواتي مومتزوجات صغار

وهم كل اربعاء يجون عندنا *دايم يسيرون علينا قليل قليل نجي في بيوتهم * حتى اختي ماتغزمنا لان تقول بيته صغير **


وكل اربعاء نسوي نوعين او 3 حلا ** بس صراحه ملينا


اولا / حنا ندرس وصعبه يوم الاربعاء نشتغل
ثانيا/ ااحس ثقلنا ع ابوي بالطلبات
ثالثا/ طفشنا مانطلع من البيت ابد بس هم يجوونا


ياربي ليه هم مايحسون ليه كذا لاتقولون مايقدرون ع العزيمه لا هم ماشاء الله زينه كثيير حالتهم الماديه

يالله كل اربعاء ع هالموال يجون لعب البزارين وهن ضحك حتى وحده من حريم اخواني الله يهديها تخلي بزارينها يقعدون عند الحريم وهاتك يالعب باالاواني وياكلون حلا ويوصخون المجلس



طفشنا طفشنا




صديقاتي يقلن الله وناسه اليوم الاربعاءءء وانا:44:




واشوف بالمنتدى هينا جمعه خواتي جمعه اهلي

وانقهر لانه حنا مانقدر نتكلف بالجمعه لانا مداومات وخلاص ملينا من هالروتين


وشلون افاتحهم بالموضوع اني ابي كل اسبوع عند وحده

58 تعليق 12,147 مشاهدة

شاركي في النقاش

سجلي الدخول لإضافة تعليق.

التعليقات

56
  1. @am_alamyr2009

    سهلـه ياقلبي ..
    خلي الوالده تقول لاخوانك ..
    ان البنات تعبو .. ومايمديهم يسوون شي عقب مايجون من الجامعه ..
    فالله يجزاكم خير .. اسبوع يجون واسبوع بسلامتهم ..
    واللي تجي تجيب معها حلاها .. ابوكم كن ماديته ضعفت ..

    وخلاص ياعمرى .. ترا هالكلام موو عيب ابدا ابدا ..
    واذا اخوانك روسهم يابسه ..
    امك تقول لحريمهم ..
    بس انتى لاتدخلين عمرك بمتاهات الكبار ..

    الله يووفقك يارب .
  2. @almas_2222

    الله يعينكم
    خلي أبوك يكلم إخوانك الواحد يمل


    هم بس يأكلون ولا يحسون على انفسهم عيب

    ولا امك تكلمهم انتم مالكم شغل

    حتى الواحد يمل أسبوعيا

    يكنسلون كم اسبوع ويجون بعد اسبوعين او ثلاث مؤ لازم

    واذا على إخوانك عادي يجون لحالهم مؤ لازم حريمهم


    الواحد يبي يغير جوء بدل هالسماجه اللي كل اسبوع

    الله يكون بعونكم
  3. إذا الوالدة زي ماما مستحيل تتكلم ههههه شوفي إخواني كانو زي كذا وأخواتي بس انا سويت قهوه وشاهي بس وجلستهم بالصالة وسويت حالي تعبانه وطفشانه صارو يثقلو عليا بالمزح والكلام وين الحركات والشغلات حقت كل جمعه ويضحكون قلت بمزح لأنكم ما عندكم دم مداومه وكرف جامعه وانتو تكملون الناقص اعزمونا يوم وهزو طولكم شوي خلونا نغير جو ما مليتو من بيتنا هههههه حريم إخواني صارت وجيهم حمرا ماشربو قهوه وأخواتي بعد قالو جد والله طفشناك بس المره الجايه نعزمك ولا عزمونا لان عندهم دوام هههههه بس صارو يتصلون ويقولون لا تسوين شئ ويجيبون قهوه وشاهي ويجيبون أغراض من برا فسوي انتي زيي سوي حالك مزح وضحك وبتجي جد ههههه
  4. @maly_mthyyl

    صاحبة الموضوع
    سوسو الحلوووه
    إذا الوالدة زي ماما مستحيل تتكلم ههههه شوفي إخواني كانو زي كذا وأخواتي بس انا سويت قهوه وشاهي بس وجلستهم بالصالة وسويت حالي تعبانه وطفشانه صارو يثقلو عليا بالمزح والكلام وين الحركات والشغلات حقت كل جمعه ويضحكون قلت بمزح لأنكم ما عندكم دم م…
    ام الامير صادقه والله **انه كلام كبار بس امي تقول اسكتي مستحين منهم


    ترف قسم بالله انك صادقه اصلا احس اللحين جتني حاله كارهه الحياه اقول الى متى وهنا ع الروتين


    سوسو نفس الحاله امي ماترضى تتكلم



    انا احيانا اقول كيفهم هم وجمعتهم انا وخواتي بايام الاسبوع نسوي لنا قهوه وحلا ونبدع ونستانس واذ جو نخليهم ع الشاي والقهوة :23:
  5. @alaabyr111

    حنا عندنا طبعاا قبل اتزوج الحين وين الجمعات مافيه لان انا بديره واهلي واخواني وخواتي بديره يله الله يعين شوفي بقولك حنا كنا حريم اخواني كل وحده تجيب معه حلا وقهوه وشاي لاننا كثار مشاء الله وخواتي كذالك واحيانا اخواني مع الوالد الله يحفظه يجبون عشاأء من برا او نقوم كلنا ع المطبخ ونتفنن انتم قولي لهم كل وحده تجيب الحلا والقهوه والشاي معاه والعشااء عليكم كلكم ترا بعدين بتشتاقين للجمعات اذ وقفت

تابعي تجارب أخرى من هذا القسم.