روحي سنتر بوينت .. الزين فيه انه جامع لك كل شيء يريحك ..
خذي بربتوزات داخلية وملابس خارجية ومهادات وفوطة لتحميم الطفل وشارشف للف الطفل إذا بتطلعين به وبطانية ..
وخذي لك كم رضاعة ومصاصة وقسام الحليب ... شنطة للمولود .. للمستشفى إذا ماعندك .
وإذا هذا بكرك وماعندي شيء باقي من أطفال سابقين خذي سرير للصغير .. و خذي حوض لتحميم الطفل وأفضل تأخذين اللي كنه مشخل من المحلات العادية أو الهرم ما تحصلينه في سنتر بوينت اظن ..
لأنه مرة حلو وعملي لكن لو مالك خلق للفرفرة أو ماتعرفين شكله فإشتري من سنتر بوينت اللي يعجبك وتقتنعين به ..
بالنسبة لك .. تقدرين تأخذين من عندهم أشياء لك .. خذي لفة وشوفي وش إحتياجك ..
ممكن شفاط الحليب لو أنت بحاجته .. وممكن سنتيانات قطنية للرضاعة أشوف عندهم في قسم المواليد بعد ..
عندهم شباشب قماش في قسم الأحذية حلوة تستخدمينها في البيت وقت نفاسك ..
لو حبيتي تأخذين من عندهم ليقنز لوقت النفاس إذا حابة تتدفين ببنطلون مثل البعض وتلقينه في قسم الملابس النسائية ..
لو في بالك تأخذين مفرش من عندهم لسريرك من هوم سنتر على فكرة مسوين تخفيض هم ..
وبعد لو تبين تشترين كأسات عصير أو فناجيل أو شغلات للتقديم لو ماعندك ممكن تستغلين فرصة التخفيض
وتأخذين من عندهم .
المهم تلحقين تخلصين وتفتكين قبل ما تثقلين .
¤εïз¤ التجمع الـ16ـسادس عشر لاحلى مواليد لشهر يوليو واغسطس ¤εïз¤
متابعة النقاش، صفحة 124