لو امك تسوي معك كذا وش بتسوين ...؟؟؟؟؟؟؟

السلام عليكم

يابنات من دون مقدمات
لو امك تسوي كذا اسالكم بالله وش شعوركم

تخيلو انا كنت دايم انظف واشتغل مع امي واكرف نفسي بس احسها دايم تهاوش علي وتبين لابوي اني

مافيني فايده مع اني انا الوحيده من خواتي الي اشتغل ودايم تقول لابوي بناتك مافيهن فايده اطالع فيها

طيب من الي يكرف لك وتصحين تسوين الغدا المطبخ مثل الورده

مرت الايام وع هالحال سواء اشتغلت او ماشتغلت الكلام نفسه بيجيني هواش

تعبت نفسيتي بالله كيف برضيها وهي ماتشوف لي شي

اقسم بالله تعبت كل يوم تقول لابوي وتقول لغير ابوي انو مافينا فايده اوكي انا وش ذنبي

اخواتي اوك قولي عنهم بس انا ليش تنكرين وتقولين مافيني فايده

اقسم بالله خلق هالسماوات انو اظافري ماقدر اطولها مثل البنات ويوم اخلص غسيل احس يدي جافه
من كثر الغسيل حق المواعين وتجي تقول انتي ماتغسلين الا شويه قديحات طيب ويديني

احسها جافه مسمره من الصابون وسلك النحاس
وشوي شوي بديت اخف بديت اشتغل من دون نفسي ومن دون طاقه لانو مالقى الا الهواش بكل الحالات

مهما كان الانسان يبي كلمه حلوه مدري ليش تسوي كذا معي واذا يوم ما غسلت المطبخ ولا وحده من خواتي
تفكر تنظفه

تخيلو انظف الصالات وامسحها والمداخل وغرفه المعيشه والمطبخ وفوق هذا كله ماسوي شي
الحين سرت بس اغسل المطبخ واذا قالت نظفي الصالات نظفتها
وقبل شوي قالت لي سوي العشاء قلت لها تكفين تعبانه وانا توني مخلصه تنظيف البيت قامت تدعي وتقول يارب صبرني ومدري وشو رحت بكيت قلت طيب فيه اكبر مني ليش ماتقولها تسوي العشاء ولا الهواش بس لي انا وحلفت بيني وبين نفسي اني ماقوم اسوي العشاء

تكفون دعواتكم

20 تعليق 2,554 مشاهدة

شاركي في النقاش

سجلي الدخول لإضافة تعليق.

التعليقات

20
  1. @twixampcoffee

    خليها تقسم بينك انتي واخوتك شغل البيت علشان ماايجي ظلم لااحد
    امي كانت كذا وكلمت ابوي وقسم هو لنا شغل البيت
    الي تطبخ تغسل الموعين والي تنظف البيت تكنس الحوش
    والي تغسل الملابس تكويها
    ومن بكره يتغير من وحده لوحده

    كل الامهات كذا
    انا امي في السنه حسنه اسمع منها أبوي الله يخليه داايم يثني علئ كل من يشتغل بذمه
  2. الله يخليهاا لك وادرري انك تعبتي كثيرر من كلاامك

    بس حاابه اقوولك مهما امك قالت شي فيك مايعجبك تاكدي مليوون مره ان بقلبهاا غير هالكلام

    بس الامهاات طبعهم لازعلوو يعممون على الكل يعني مثلاا اذا امك ضااقت من وحده من خواتك

    عممت عليكم كلكم انك ماتسوون وان وان يعني رريحي باالك لازم نتحمل هذي امهاتنا

    ولازم تحطين باالك كل ماقالت هالكلاام انك تصبرين وتحتسبين وتذكرين كيف انها

    تعبت عليك وانتي صغيررره هنا صدقيني رااح يكوون كلاامها بلسم على قلبك

    ترا والله كل الي نسووي مايسوو عن طلقه من طلقااتهم بنا في الولاده

    كييف عااد التربيه والسهر والتعب الي تعبووه

    الله يخلي لك امك ويحنن قلبها عليككك
  3. كلمي ابوك وقولي له انا الوحيدة بالبيت اللي اشتغل يعني الشغل كله علي وخواتي مايشاركون في شيء

    كلمهم وقسم الشغل علينا او انا بوقف مااشتغل مثلهم لأنه مومعقول أنا الوحيدة اللي تكرف وهم جالسين مرتاحين

    أنا مايهون علي اخلي الشغل كله على امي لكن هم ولاهمهم فلازم تقول لهم يشاركون و قسم الشغل علينا كلنا

تابعي تجارب أخرى من هذا القسم.