انا ضد المراقبة اللصيقه .. لانك راح تدفعينهم دفع للغلط من وراك لان الضغط يولد الانفجار اعطيهم الثقه وخليك واثقه من تربيتهم .. والا راح تطلعين ابناء ثقتهم بنفسهم صففففر تخيلي لاسمح الله صار لك شي بسم الله عليك وتوفيتي او سافرتي وخليتيهم.. تتوقعين بيعيشون بعدك بشكل طبيعي؟ لا بيضيعون ويتخبطون لانك عودتيهم انك مراقبتهم وتوجهينهم بكل صغيرة وكبيرة وخصوصا ولدك الكبير .. احسها تحز بخاطره انه رجال واغراضه تتفتش!!
انا ام وحاسه باحساسك .. الزمن يخوف .. بس انتي ربيتي .. وعلمتيهم الخوف من الله .. خلاص خلي مراقبتك من بعيد لبعيد عشان يحسون انهم مسؤولين وواثقين من انفسهم
التربيه تبدأ من الصغر وعند المراهقة تظهر بعض تنائجها
لكل مرحلة عمريه تعامل خاص الطفوله غير مرحلة المراهقه كل شخص وخاصه الذكور يحاول ان يثبت نفسه وشخصيته عند اصدقائه في مرحلة المراهقه وهذا قد يجعله يحيد قليلا عن ماتربى عليه او تعود عليه في صغره من خير ،، لكن سرعان مايعود لما اعتاده وألفه فلا قلق هنا اذا كان الوالدين في توجيه مستمر بأسلوب الصداقه وليس الامر والنهي
اعطي ابنك مساحه من الحريه والثقه مع المتابعه والتوجيه استشيريه في امور تخص العائله وخذي برأيه ان كان صحيحا واشكريه
انت الان تعدين رجل لمسؤولياته وشق طريقه بنفسه وليس كالسابق تحوطين طفلا وترعينه وتحفظينه عن ما ترينه مناسبا له او غير مناسب
وفقنا الله واياك لحسن التربيه ورزقنا بر والدينا وبر أبنائنا بنا وجعلهم في أعلى درجات الدنيا والاخره
أهلين أختي أنا بعلق على حاجه بس لفتت نظري بالموضوع اغلب البنات متهاونين بسالفه الألفاظ وان الكلام عادي وبينساه أنا راح اقول الولد صار راشد وكبير وكمان الأولاد اللي معه والألفاظ الغالبة بين الشباب اغلبها تكون قذف والعياذ بالله وأنتوا تعرفون حكم القذف يعني شي مؤ هين وياليت ما تتهاونون فيها لان الله نزل فيها حكم شرعي. كلمة حق حبيت أقولها