وحشتوووني يابنات أحلى عالم
اسأل الله العظيم كما جمعنا في هذا المنتدى ان يجمعنا في جنات النعيم
اخواتي بغيتكم في استشاره بسيطه اللي عندها خلفيه او قابلت احد مسوي مثل عمليتي تقول لي
انا واعوذ بالله من كلمة انا مريت بوعكه صحيه مؤلمه صلحت عمليه بظهري في الفقرات القطنيه اسفل
الظهر وكان قرار العمليه غصب
عني لاني وصلت بمرحله ما اتحمل الالم بس اصيح ليل ونهار ألم ماينقدر عليه وما اقدر احرك شي
يجسمي بالذات الجزء السفلي صرت شبه معاقه والعمليه كانت عباره عن
فك ضغط العصب وتثبيت الفقرات بالمسامير وازاله الغضاريف المنزلقه وتبديلها بمعدن
عددالمسامير 8 ودعمها بعظم ويسمى بالقفص الكربوني
الحين ولله الحمد وقفت على رجلي وصرت مع العلاج الطبيعي امشي بدون مشايه واعتمد على نفسي وهذي
اعظم نعمه اللهم لك الحمد حتى ترضى بس الاغلب خوفني من العمليه ولاموووني وقالوا روحي للشيخ
افضل من التدخل الجراحي خصوصآ اني باقي في العشرينات وماعندي عيال
بس كان قرار العمليه ضروري خوووفووني الاطباء ان العصب انجرح واذا ماصلحت العمليه بأسرع وقت راح
ينقطع العصب واكمل باقي حياتي مقعده
الحين انا بفترة نقاهه وصرت بس افكراتعبني التفكير اعوذ بالله من الشيطان الرجيم افكر في وضع حياتي وش بيكووون اقدر امارس حياتي طبيعي
والا لا واقدر احمل واجيب عيال والا صعب علي
امانه اللي تعرف احد مثل حالتي وصارت تمارس حياتها طبيعي تطمني
تكفووووون لاتنسوووووني من دعواتكم بظهر الغيب :king:
شاركي في النقاش
سجلي الدخول لإضافة تعليق.
التعليقات
23- اللهم اشفها
- الله يشفيك ويعافيك ويفرج همك ويرزقك ماتتمنيه
- الله يشفيك ويرزقك الذريه الصالحه عاجل غير اجل
- عاش من شافك يالغلا زماان عنك
الحمد لله على سلامتك اجر وعافيه ان شاء الله
الله يتمم عليك شفاءك وتقومين بصحه وسلامه يااارب - الله يتم لك الشفاء والعافيه
طالما وضعك في تطور وتحسن ف ان شالله مع الوقت تقدرين تمارسين حياتك طبيعي
عليك بالدعاء والرقيه وباذن الله ماقدامك الا العافيه
مواضيع مشابهة
تابعي تجارب أخرى من هذا القسم.