امي واخوي ... اسال الله ان يهديهم
بنات ببدالكم بالسالفه على طول انا ولله الحمد متزوجه من 6 سنوات وزوجي طيب معي وحنوون
المشكله امي واخويه مايبوني احب زوجي ولايبون اسولف عنه عندهم يضحكون بضحكه استهزا فيه ويرمون بكلام وزوجي طيب وحنون وكريم ويساعدامي في المستشفى اذا تعبت ويخلي اصحابه يهتمو فيها لانه عمله وامي ماهو مبين انه مسوي شي
انا كنت برا مسافره مع زوجي كان عنده بعثه ماتتخيلون كيف بالاتصالات الي خلت نفسيتتي تتعب اخوي كل ماكلمني يقول امي وابويه تعبانين وامي تقل ابوك تعبان وامس تعب علينا همووني وهما كلهم طيبين وسوولي اعتراض يوم سافرت معاه وسوت لي امي قصه انه بيحطك شغاله في البيوت برا في الخارج تب تكرهني في زوجي وانه ماقدر يدرس هنا صعبه فطلع يدرس برا وكل ماكلمت متى بتجوون ارجعي اشبكم طولتو شكل زوجك مانجح وشبه وهي دراسته 4 سنه و مارحت معه الى سنه ونص بس كانت كلها ابكي احس من كلامهم انهم كني مابشوفهم وهما طيبين وانا لي من رجعت سنتين
المشكله يوم رجعت امي واخويه الي اكبرمني هما الي مخلوني في حالي...
واختي الي الكبيره مسافره مع زوجه في الجنوب لانه يعمر وخلت اولادها كلهم في الجامعه وراحت لزوجها وبتقعد معه ويوم كلمت امي قالت امي اقعدي مع زوجك لين يخلص طيب انا يوم زوجي مسافر ليه ماخليتوني زي اختي وفي حالي
تخيلوو كان عند امي موعد يوم الاربعاء دق علي اخويه قال لزم تجين ورحت عندها من يوم الاثنين ويوم جاء يوم الاربعاء قالت ماني رايحه سكت وقعدت عندهم من يوم الاثنين ليوم الخميس ورحت
بيتي وكان عندهامراجعه اليوم للعيون واخذت الشغال واخوي وراحو
وراحو دقيت عليها قبل شوي قالت كيف وش سويتي قالت انا متنومه من امس انا انصدمت
كيف من امس والموعد اليوم قالت امزح امزح قالت ليه ماجابك رجلك وهو رايح لدوام
قلت ليه اخوي معاك تدخلي لدكتور وتطلعون سووا والشغاله معك
وقلت لها وش فيها الشغاله قالت ماقصرت راحت معي
امي مهما اسوي مايبين عندها واذ رحت لهم زياره يقلون نامي عندنا لاتدقين عليه يجي
ليش كذا حتى قلت لإمي زوجي اخويه قالت بزوجه بوحده اهلها برى الرياض علشان موكل شويه
يودي ويستقبل ويجيب طيب ليش ماني عارفه ....
حبيت تشوفوو قصت حياتي احس زوجي بدى يلاحظ
شاركي في النقاش
سجلي الدخول لإضافة تعليق.
التعليقات
32- حبيبتي أنا بقولك ليش تتكلمي في زوجك عندهم خلاص أسكتي ولا تجيبي طاري زوجك لا بخير ولا بشر ولاتخلي زوجك يودي ويجيب أمك مو قطاعة فيها ولكن سبحان الله بعض الناس كذا ماتحب أن أزواج بناتها يخدمونهم فأفضل لك أسحبي زوجك من حياتهم بهدوء وبدون شوشره وأمك عندها ولدها والحمدلله والشي إذا زاد عن حده أنقلب ضده أما بالنسبه للسفر أبدآ ما أيدك هذا زووجك روحي معاه أي مكان يبغاك فيه أهلك ع العين والرأس بس هذي حياتك فهميهم هذا الشي بكل هداوه وبدون صريخ الله يهدينا ويصلح أحوالنا
أول غرامي حبيبتي أنا بقولك ليش تتكلمي في زوجك عندهم خلاص أسكتي ولا تجيبي طاري زوجك لا بخير ولا بشر ولاتخلي زوجك يودي ويجيب أمك مو قطاعة فيها ولكن سبحان الله بعض الناس كذا ماتحب أن أزواج بناتها يخدمونهم فأفضل لك أسحبي زوجك من حياتهم بهدوء وبدون شوشره…
:wink2:شكل امك تغار من زوجك
الله يخليها لك
بس ابعدي زوجك عن اهلك وخلاص دام كذا يرمون كلام وغيره لكن بدون ماتبيننين هالشي
خليه يوديك ويجيك لهم وبس
امك شكلها متعلقه فيك الله يطول بعمرها لاتقطعينها وبنفس الوقت لاتهملين زوجك وبيتك
الله يسخرلك- الله يهديها
استغفري كثير الله يفرج همك
بالنسبة للسفر لو مكانك كان سافرت - ونتي ليش تسمعين كلام اهلك في كل صغيره وكبيره يعني ما عندك راي
ليش ماتجلسين مع زوجك شافوك ضعيفه وتمادو - اعطيهم في الجبهة ماينفع السكوت زوجك بيمشيها مرة مرتين عشر وبعدها الله يستر
الرجال لهم طاقة محدوده في الصبر
و امك على العين والراس بس تخرب بينك وبين زوجك هذا ماينسكت عليه
يا اما تواجهينها بالكﻻم والمصارحة بأدب وأخﻻق ان هذا الشي بيخرب عليك حياتكم ويمكن تزعل شوي وترضى
او اسمحي لها تتحكم فيك وفي زوجك حتى تنعدم رجولته..او ﻻسمح الله الطﻻق
سبحان الله عجبي من بعض هالأمهات ،، زين ليش زوجتي بنتك ؟
مواضيع مشابهة
تابعي تجارب أخرى من هذا القسم.