وحدة هنا في المنتدى حطت طريقة إن تكررين على مسامع الزوج وهو نايم
كلمات معينة بحيث تخلي عقله الباطن يستجيب لطلباتك
وحدة تقول سوت هالنصيحة وكشفها زوجها وما عرفت شنو تبرر له
ولا شنو قاعدة تخربط ومرررة انحرجت
نصايح كثير عملت بيها نفعتني
ونصايح كثير مضرة لكن ما عملت بها لأني دائما أحكم عقلي
وعندي قناعة إلي يناسب غيري مو شرط يناسبني
أهل الزوج. كوني رسمية معهم بدون لا يلقون عليك الزلة
قومي بالواجب وعامليهم كويس بدون ما تسقطين الميانة
خلك وسط وقومي بالواجب لو مو عشانهم عشان رب العالمين وزوجك يرضى عليك
لا تاكلين كثير اكتشفت إن الأكل متعة لحظات والرشاقة متعة عمر
بيتي صرت ما أوفر فيه شبسات وشوكلاتة
صرت أوفر بساكيت رجيم وزبادي قليل الدسم ومنتجات أكتيفيا
كثير تحسنت صحتنا وتغيرنا للأحسن اللهم لك الحمد وصرت أطبخ الأكل بدون زيت قدر الإمكان
لأن أغلى شيء عند الإنسان الصحة عشان يقوى على عبادة ربه والبر بوالدينه
لا تقذفين الناس بشرفهم مهما صار ولو شفتيها بعينك مع رجال لا تتكلمين عليها
استري عليها عشان الله يسترك دنيا وآخرة
لأن إلي يتكلم على الناس والله إن العقاب يعجل عليه بالدنيا لأن الله سبحانه وتعالى
ما يرضى بقذف عباده
هذا إلي عندي وماشية حياتي به
أتمنى أفدتكم ولا تنسون الدعاء والاستغفار
نصيحة '' سمعتيهـا '' عملتي بها'' تعالو خبرونا بِ تجاربكُمم)
متابعة النقاش، صفحة 10