اللي عندها بنات تشاركني موضوعي

حياكم اخواتي
راح اختصرلكم واعطيكم الزبدة وان شالله تفيدوني
انا عندي بنات والحمدلله
وربي اكرمني الحمدلله وحملت
وقالوا بالسونار بنت
وبصراحة انا ضايقة وشايله هم كلام الناس
تعبت كثير من كلامهم واللي عندها بنات اكيد مرة بتجربتي
كأنهم يعزون
احس جاني احباط وماتحمست اجهز للنفاس
برغم اني بالشهر السادس
حتى زوجي احسه تغير علي
مالي غير ربي اللي اطمع بكرمه
وبعد نصايحكم وشلون تعايشتم مع الوضع
يعني نفضفض مو اكثر
مادري بتقولين احمدي الله
وانا الحمدلله شاكرة نعمه بس مااحد يحس بحالتي
غير ام البنات

76 تعليق 15,781 مشاهدة

شاركي في النقاش

سجلي الدخول لإضافة تعليق.

التعليقات

76
  1. @antthr_mstkbly

    خالتي عندها 7بنات والحمدالله عيشة

    واحرف عرمه عندها 12بنت وعايشة ويش فيهم البنات ربيهم تربية زينه وحافظي عليهم واحمدى ربك ان ربي رزقك بي طفل يملا حياتك


    وفي ناس تتمنى تعيش لحظه الحمل وتشيل طفلها بين احضانها

    احمدى ربك واشكرية وعيشي حياتك

    مالك وماكلام ناس لو جلستى تفكير ايش يفولو ناس راح تموتى

    الت
  2. عندي ثلاث بنوتات
    والحين حامل بالشهر الثاني
    بصراحه انظر لبعيييد كيف بتكون حياتي لما بناتي يكبرون ويساعدوني ويونسوني بحياتي
    ودامنا فينا شده للخلفه
    ان شاءالله نحمل لين ربي يكتبلنا ولد يشيل اخواته
    بنت خال امي جابت اربع بنات ورا بعض وبعدهم اربع اولاد
    وامي اربع بنات وولد
    صح عانينا كثير لان الوالد توفا بدري الله يرحمه
    فماكنا نلاقي احد يجيب اغراضنا غير بالمشاوير
    كل ماتذكر تعب امي ادعي الله ان يرزقني ولد بدري وماجرب العنا اللي عشناه
    لان عايلتي الذكور فيها قله
    اعمامي ماتوا شباب وكذلك عماتي
    وخوال ماعندنا غير واحد ساكن بمنطقه ثانيه
    وزوجك فتره وبس يشوف بنوتته بيجبها ويتعلق فيها وانتي سواء جبتي بنت او ولد الناس ماتسكت
    الناس بذا الوقت بالذات هرجها كثير ونفاقها كثير
    وسوء ظنها وافكارها غريبه
    خذي اللي يعجبك واتركي الباقي
    واهم شي انك راضيه بقسمة ربي
    ويجون سليمين معافين من كل بلاء
  3. @fyna

    صاحبة الموضوع
    ياربي لك الحمد
    بس نفسي بو لد يكون سند لي ولأخواته
    اللهم رضني بما رزقتني
  4. @bkl_fkhr_am_albnat

    انا عندي اربع بنات والحمدلله على نعمة البنات صح اني اتمنى اجيب ولد لكن هذا شئ ماهو بيدي ولا هو على كيفي اول شئ خلي الناس وكلامهم ورى ظهرك ولا تعيرينهم اي اهتمام وطنشيهم وثانيا جهزي للنفاس وانبسطي وافرحي ببنتك بالنسبه لزوجك لاتشيلين همه بيزعل وبيتضايق لكن لما يشوف بنته بينسى كل شئ وبيفرح فيها وبيحبها الله يرزقنا بالذكور الصالحين ويفرح قلوبنا اجمعين

تابعي تجارب أخرى من هذا القسم.