انا وبس
انا من متابعينك من زمان من قبل خمس او ست سنين وكل عملية لك ادعي لك
شوفي
لا تيأسين من رحمة ربك والله كريم جواد
شوفي قصتي واحكمي بعدين تكملين علاج او توقفين
انا عملتها 19 مرة كلها فشلت واخر مرة قالت لي الدكتورة ماعندك تبويض وصلتي مرحلة انقطاع الدورة
وتكنسلت عمليتي
لان سني في الاربعين
لكن املي بالله كبير ولو ادري انه بتطلع بويضة وحدة والله لاعيد العملية مرة وثنتين وثلاث
ليه نفسيتك تعبانة ومهمومة
نسيتي الاجر اللي ربي اعده لنا
بس خلي نفسك مرتاحة ووكلي امرك لله واومني ان ماكتبه الله لك بتشوفينه ولو ماكتب لو تقطعين جسمك جزء جزء ماشفتيه
انا مااقول لك اني ماتعبت نفسيا تعبت وتاثرت بس تذكرت سارة زوجة ابراهيم كيف ربي رزقها بعد سنين وهي عجوز عقيم
خلي املك بالله ولو ربي ماكتب لك ذرية تذكري نعمه عليك الاخرى
زوجك ماله ذنب انتي اللي صبرتي معه وقبل كل شي ربي كاتب انك بتصبرين معه فعيشي باقي حياتك معه براحة نفسية وابعدي عن النكد اللي الشيطان يصوره لك
الشيطان بيحزنك فاستعيذي بالله منه
والدنيا فانية سواء جبنا عيال او ماجبنا بيجي يوم ونموت فيه
لا تقولين خايفة من الزمن واذا كبرت مااحد بيقوم بي لان ماعندي عيال
ربك ماخلقك الا وهو متدبر امرك
وكليها عليه وبس
ايقني حق اليقين ان المكتوب مامنه مهروب وان الرزاق الله وهو المتكفل بعبيده كلهم
تذكري ان هذي الدنيا دار ابتلا واختبار فاصبري وصبري حالك
انا مستعدة اتواصل معاك لان حالتي اكثر شدة من حالتك لكن رب كريم قادر يعطيني لو اني في سن الستين
ونصيحتي لك تعيدينها لاخر بويضه منك لان لو ماحصل حمل بيحصل الاجر من الله
وانا متفائلة لك خير وادعي لك واقسم بالله في ظهر الغيب
ربي يكرمك ويكرمني ويعطي كل محرومة من الذرية
°•.• تجمّع الأمل 71 للمقدمآت ومنتظرآت نَتِيجَة أطْفآل الأنابيب والحقن المجهَري •.•°
متابعة النقاش، صفحة 36