تــــركيا <<البلد التى لا تمل منها>>

السلام عليكم

بليز ابغا مساعدتكم وخبرتكم في السفر
هادي اول سفره ليه وبروح تركيا باذن الله

مده سفرتي 17 يوم
واخترت اسطانبول وطرابزون واوزنجول وباقي منطقه رابعه
بس محتاره مررررررا ايش اختار علما انه معاي طفله عمرها 4 سنوات

ايش الافضل انطاليا اويلو او بورصه او انقره العاصمه ؟؟؟؟؟؟؟؟؟اوريزا بليييز ساعدوني نبغا نخلص حجوزات الفنادق تعرفون الصيف زحممه:ohplease:

والسوال التاني ابغا اماكن ترفيه ملاهي وكدا في اسطنبول انتظركم واعطوني من خبرتك اول تجربه ليه في السفر والله ييسرها على خير ويرزق كل من تتمنى تسافر يارب

الله يهنيكم بسفرتكم ياعسووولة
ماعندي خلفية عن الموضوع
الله يوفققك

شوفي حبيبتي اول شي ريحو يوم او 2 بسطنبول بعدين روحو طربزون وازن جول لانها لازم طيران وهيا جنب بعض وشوفي كم يوم بتجلسي لانها متحتاج اكثر من 5 او7 ايام للمنطقتين بعدين ترجعي اسطنبول وترا بورصه ويلو كلها تبعد عن اسطنبول بلفيري تقريب من2 الى 3 ساعه وعاد كيفكم لو بتسكنو بكل منطقه 2 او3 ايام بكل منطقه وترجعو تكملو باقي لايام بسطنبول لما ترجعو لبدلكم سالمين ان شاء الله

تسلمين ام غاده الله يسعدك يارب

مشكوره حبيبتي طرابزون 3 ايام واوزنجول يومين ان شاء الله يعني 5 ايام تكفي
وبعدها بنرجع اسطنبول اذا ربي اراد
نريح يوم وبعدين مدري مو عارفه قريت كتير انه بورصه عاديه وانطاليا اجمممل واحتتتترت
وبدروم شفت لها صور نصهم ناس عرايا على البحر وماعجبني المكان
ولا ابغا بنتي تشوف مناظر كدا

فاشورايك حبيبتي ادا تعرفين كم تبعد ريز وانطاليا عن اسنطبول وابانت اكون شاكره لك