زوجي له 9 شهور ما يكلمني والسبب ....؟؟

نصيحتي لك عشان ماتندمين بيتك اجريه وسددي ديونك بالاجار وزوجك مازعل كل هذا الزعل الأمن صدمته بعد ماخطط ترى انا امي موظفه مثلك وساكنه ببيتها وخالتي زوجة أبوي الأولى ساكنه معنا   بس هي بالدور الثاني وأمي وإخواني تحت بس امي تحب جارتها وكلهم يبون بعض والبيت كله امي قائمه فيه حتى بيت خالتي من ناحية أغراض البيت والسواق والخدامه والوالد الله يعفو عنه جيد يسلف الناس ويعزم ويرمي فلوسه على اللي يسوى واللي مايسوى وسمعت من زوجي ان ابوي يتزوج مسيار ويدفع عليهم مبااالغ. الشي الوحيد اللي يسويه انه يعطي خالتي مصروف بيدها لانها موموظفه واذا طلعنا ولاسفرنا هو اللي يصرف وبس أما ااغرااض البيت كلها على امي الله يطول بعمرها.   المهم انا قلت لك السالفه عشان ماتخلين زوجك يستغلك فلوسك خليها لك ولو صرفتي لأتبينين له انك صرفتي عشان مايتعود ويخليك تقومين بالبيت كله.  اسكني معه بالسكن اللي هو حاطه وانتي خلاصي ديونك وقوي علاقتك باالله وهو ماعليك منه اللي زعل الحاله يرضى الحاله. وان شاءالله ان سكوته خير لك.  واذا على خياناته ثلاث أرباع الازواج خاينين ماوقفت عليك ياعمري مايدل على نقص فيك يدل على نذالته وتراه خائن نفسه قبل لايخونك ولاتبينين له انك تعبانه من هذا الوضع اضحكي مع بناتك وانبسطي وسولفي وتعمدي تخلينه يشوفك مبسوطه.  تدرين لما تكونين يعيده بدونه هذا الشي موبس يقهره. هذا بعد يخليه ينجذب لك. وانصحك غيري لوكك شعرك ومكياجك ولاتخلينه يشوفك الانظرتين وكأنها صدفه وبيتغير ان شاءالله حطي برأسك شي انتي قادره تغيرينه لما تشغلين مخك وطنشيه ولاتبينين انك طفشانه بدونه أونك حاقده عليه ناظريه نظرات عاديه كأن مافيه شي.   وان شاءالله مايجي بكره الأوانتي مبشرتني برضاوتك. ولاتنسين تصورينها وتوريني اياها

يعني كان همه انك تشاركينه فقط
وبعد ماغسل يده يبي يذلك
ابد ولاكنه موجود عيشي حياتك وخليه يطلع بناتك ويبسطهم مالهم ذنب ينحكرون بسبب قلة وازع ديني من رجل همه الماده والمغازل
وبيتك مهما يصلح الحال بينك انتي وياه لاتفرطين فيه

الله يسعدكم بنات وشكرا لكم

يا ملكة صدق انك ملكة

يا ملكة الورد يا حبيبتي كلامك كله حكمة خاصة انه من تجربة وما شاء ع صبر امك لكن ترى ابوك اثم لأنه يعطي وحدة المصاريف ووحدة لا عشانه بس موظفة

بس أقولك صعبة جدا اقعد عند زوجي لأنه مهمشني مررة مررة وما يطلب مني أي خدمات لا غسل ولا كوي ولا حتى طبخ ويقول أنا عزيز نفس

نفسي طايبة منه خلاص

فجوره برافو عليك هذا اللي حاصل معاه

الله يفرج همك ويهدي لك زوجك ويسخره لك ان شاء الله