الموضوع مغلق

صدمتي مو في زواج زوجي صدمتي في السبب اللي قال هذا من اجله تزوجت !

السلام عليكم ورحمة الله وبركاته
اول مره اكتب موضوع ويشهد الله على مصداقيته في حيره وقهر من زوجي افيدوني الله يجزاكم خير
من سنين طويله وزوجي عنده نية زواج وكم مره خطب وماصار نصيب وقبل اسبوع تقريبا حصل النصيب
وخطب وحده وشافوا بعض النظره الشرعيه واتفقوا ع الزواج
طبعا خلال السنين اللي مضت حاولت مرارا وتكرارا اغير من نفسي وشكلي واسلوبي وحاولت ارضيه باللي اقدر عليه يشهد الله ومع ذلك ماوجدت منه نبرة اعجاب او تشجيع او كلمة طيبه تجبر بخاطري
بالعكس تماما تحطييييم تجرييييح يكسر نفسي بتصرفاته ورداة فعله وتعليقاته اتمنى اموت وقتها غيض وقهر
قبل كم يوم صار بيني وبينه نقاش وقلت ليه ايش قصرت انا فيه ؟؟
ايش الشي اللي ماوجدته عندي ؟ وتزوجت تبحث عنه !
رد عليه برد والله كانها صاعقه عليه نزلت دموعي ماقدرت اعلق ولا ارد ولو بحرف واحد
سبب يجرح اللي ماعندها قلب سبب والله ماتوقعته يقوله سبب والله ماعمره قالي بيوم عنه مع انه طول عمره ينتقدني
(اعذروني والله ما اقدر اقوله من بشاعته) وصدمتي فيه حسيت نفسي ولاشي ولااااشي
تالمت تحطمت كسر مابقى من نفسي فكرت لين اتعبني التفكير ورحت المستشفى من سبب الصداع اللي فجر راسي وفي طريقنا للمستشفى يقول اللي فيك امراض الشيخوخه والكبر
نزلت المستشفى وانا ابكي بصمت بس ماجرحني كلامه قد ماجرحني السبب اللي حطه فيني
بقرب لكم السبب اللي قاله يخص شكلي واهتمامي بنفسي شبهني بشي قذر تشبيه بشع ماتخيلت ان نظرته هذي لي ولا تخيلت انه بيقدر يقول هذا الكلام بدال مايراعي مشاعري ويحتويني في الفتره الحرجه هذي


حسبي الله ونعم الوكيل فيه اذا كان ذكر السبب اللي قاله لاحد برى بيتي وغيري فاسال الله ان يعجل
بنصري عليه الله يعجل بنصري عليه الله يعجل بنصري عليه نفسيتي سيئه والكتاب بين من عنوانه اللي يجرحني بهذا الشكل ويقول فيني هذا الشي احس انه من المستحيل يعدل وينصف

203 تعليق 54,706 مشاهدة

شاركي في النقاش

سجلي الدخول لإضافة تعليق.

التعليقات

197
  1. @taab_klby_8

    يا حبيبتي دام هاذي تصرفاته من أول هذا بايع عشرة ونفسه عايفتك ....

    ترى مو شرط كل رجل يتزوج ع زوجته لسبب أو تقصير منها بس بعضهم ما يفكر إلا بالتجديد .. ويخلق مبررات كاذبة عشان يسكتك

    وهذا هو حطمك وجرحك عشان لا تسأليه ثاني

    كبري قلبك ووسعي صدرك زي هذا ما يستاهل دمعه من عينك .. إفرشي سجادتك بآخر الليل وإلجئي لربك وتضرعي بالدعاء والله ينصرك عليه ..

    ونصيحة شغلي سورة البقرة دايم فالبيت .. أنا مدري إيش قالك زوجك بس كأني فهمت من كلامك إنه يراكي بشعه .. زي عمي بعد كم سنة من زواجه صار يشوف زوجته بصورة ( قرد ) أكرمكم الله مع إنها جميلة جدآ وجلس سنين ما يلمسها وآخرتها تطلقوا بعد 17 سنة وطلع بينهم سحر ..
  2. @mrt_aalo

    حسبيا الله ونعم الوكيل
    الله لأيوفقه بزواجه ويندم اشد الندم
    اختي تجاهليه وكأنك ماتشوفينه بالبيت
    حتى لو تزوج لاتسولفي معه ولا تعطيه وجهه
    أشغلي نفسك بالبيت بالقران بصلاه

    الله يرده لك ردا عاجلا
    ويشوفك أغلا مايملك

    الله يفتح ع قلبك ويسر لك امرك
  3. @bklby_ghlakm

    ايه طيب امكن فيه بلاء خلييه يتعالج عشان كذا يشوفك بذا المنظر او امكن عشان مافيكي عيب بسس يدور علثه فانسب هذا العيب لكل لاكن اذا فعلا فيك ماقاله حاولي تغيري من نفسك والله يفرجها عليكي يارب دنيا واخره ويريح بالك ويسعدك ويسخره لكي ويرده ردا جميلا لك عاجلا غيرر اجل

تابعي تجارب أخرى من هذا القسم.