السلام عليكم ورحمة الله وبركاته
كيفكم بنات ..
انا كتبت قبل موضوع عن اللي صار من وحده من صاحباتي وعشان تفهمون السالفه هذا رابط للموضوع
http://forum.hawaaworld.com/showthread.php?t=3947627
اللي صار الحين انها تزورني هاليومين وانا والله افرح فيها خصوصا ان ماتطلع كثير فقلت اونسها وافرح قلبها..والله من ارجع من الدوام انام ساعتين واشوف اشغالي واتغدا وابدا اجهز الشاي والا قهوه<< تركش كوفي طبعا لاني احبها..وتجيني اول العصر..
مع اني ماحب الزيارات بالبيت احب اطلع اكثر ,, بس قلت دام هي نتبسط ماعليه..لجل عين .....
ومره كانت امي مسويه قهوه وجازتلها قالت عطيني طريقتها.. قلت اوكي بسال امي,, وانا صراحه ماحب القهوه السعوديه , احب الكابتشينو والتركش كوفي وكذا,, فعشان كذا ماهتميت اتعلم طريقتها..
قالت انتي ماراح تعرسين من يبيك وانتي ماتعرفين تسوين قهوه.. :confused: رفعت ضغطي,, صراحه بس سكت واخذتها مزحه وابتسمت قلت عاد الناس بيتركون كل الابجابيات و بيسالون تعرف تسوي قهوه والا لا؟؟؟
قالت اييه اذا ماتعرف تسوي قهوه وش يبون فيها :confused:
انا اقدر ارد عليها واقول هذا اخوك زوجتوه على عماه وعماكم .وآخرتها عاف البنت.. بس سكت ماحب هالاسلوب اترفع عنه..
البنت خطبوها ماشافها ولاشافته ولا هم حتى شافوها ..وماخذينها من قريه نآئيه يعني حتى اخلاقها ولا وش تطبخ وش ماتطبخ مايدرون ..وهي ناشبتلي بسالفة مارح تعرسين وعانس عشان ماعرفت اسوي قهوه..!!! مع اني والله اطبخ واسوي اشيا كثير بس جت على القهوه!!!
وماوقف كلامها صايره مادري تتعمد تستفزني والا مادري وش وضعها.. كل كلمه والثانيه مارح تعرسين ,, وتقولها وهي تضحك احس تجيبها بمزح بس باستفزاز كنها بتشوف ردة فعلي :confused:
انا ماهمني ترا اتزوج ماتزوج والحمدلله واثقه من نفسي بكل النواحي ولاعمري حسيت بنقص لاني ماتزوجت..بس حسيت عيب وش هالكلام اللي كل يوم تقوله لي,,
وهي للمعلوميه ترا مطلقه ويشهد علي الله عمري ماقلت ولاعلقت على هالسالفه ولاحتى سألتها وش سبب طلاقها. لان انا اشوف انه شي عادي متزوجه متأخره بالزواج مطلقه ارمله كله واحد عندي, اتعامل مع الناس باخلاقهم واسلوبهم مو بوضعهم الاجتماعي..ويمكن هالشي هو اللي يخليني استغرب لما تمر علي وحده تتعامل معي بوضعي الاجتماعي.. :confused:
فليت الواحد يقيس الكلام على نفسه قبل لايرميه على الناس
انتو الحين تشوفون ان كلامها عادي وانا حساسه ومكبره السالفه؟؟ والا احساسي صح وهذي وقاحه منها؟؟
شاركي في النقاش
سجلي الدخول لإضافة تعليق.
التعليقات
48- الدنيا دواره
الله يوفقك ويرزقك بزوج يسعدك
وحسبي الله على هالناس بلا احساس - ربي يرزقك الزوج الصالح عاجلا يارب
- وهي للمعلوميه ترا مطلقه
شين وقوي عين
هي خائفة إنك تتزوجين
وتقعد هي بحسرتها لأنها مطلقة - هذي وقحه وماتحترم مشاعر الناس لعاد تعطينها وجه تعاملي معاها برسميه وحطي حدود للمعامله بينكم على شان ماتتمادى لو منك قلت لها وانتي تطلقتي على شان ماتعرفين تسوين قهوه ماحب اجرح احد بس هذي تستاهل الجرح الله يريح المجتمع من هالاشكال اللي ماعندها ذوق
- وقاحه
قولي لها على نياتكم تُرزقون
مواضيع مشابهة
تابعي تجارب أخرى من هذا القسم.