شاركي في النقاش

سجلي الدخول لإضافة تعليق.

التعليقات

85
  1. @mthlom_oayd

    والله السالفة ما يبالها شي
    أول شي هل البشكارة عندها غرفة أكيد بيكون لها غرفة عيل وين بتنام
    ثاني شي المفروض وهذا اللي لازم يصير انه الوقت اللي يكون ريلج موجود في البيت الخدامة ما تكون موجوده الا في غرفتها وما تطلع منها الا اذا ناديتيها لحاجة وعيالج ما في داعي تخلينهم عند الخدامة خاصة اذا كنتي متواجدة في البيت

    وعلى فكرة ترا مب زين انه الخدامة تعرف شو يصير بينج وبين ريلج حتى لو احساس لأنه مثل ما قالت وحده من الأخوات انهم حساد وغير انها بعيد عن زوجها وأهلها ويمكن هالشي يؤثر في نفسيتها حطي مكانج مكانها

    أنا نظامي في البيت من جبت الخدامه من سنة تقريبا علشان أداوم أول الصبح يوم أروح الدوام أنا وزوجي ناخذ العيال مع الخدامة لبيت أمه لين يخلص الدوام نرجع ناخذهم وطبعا من نرد البيت هي تكمل شغل البيت من تنظيف وغيره ونتغدى ولين هي تخلص شغلها في المطبخ تدخل غرفتها ترتاح أو تنام وما تطلع منها الا يوم أناديها وهذا الوقت آخذ راحتي أنا وزوج وعيالي حتى لو بنتي مثلا بغت تغيير ولا وسخت عمرها ما أنادي الخدامه خلاص هي مهمتها الصبح بس يوم أنا مو موجوده لكن تنتهي مهمتها من أدخل البيت عيالي وكل البيت يكون ملكي أنا بس والبيت نظيف ما يحتاج شي حتى وقت العشاء ما أخليها تساعدني أسوي العشاء لين أخلص ويوم أخلص أناديها تغسل الصحون وتتعشى وتنام ممنوع تمسك ولا تشيل عيالي وأنا في البيت ممنوع تقعد معانا في الصالة وزوجي موجود وحتى لو مب موجود أصلا لازم يكون بينج وبين الخدامة حدود ما تتعداها هي ياية تشتغل مب يايية تصير وحده من البيت غرفتها توفرين لها اللي تحتاجه من الحمام وراديو يسليها
    وخلاص هي تعلمت هالشي انه قاعده في غرفتها ما تطلع حتى لو أنا سرت الحمام وبنتي تبكي في الصالة ما تروح لها الا اذا أنا قلت لها

    وغير مب زين الزوج يقعد يشوف الخدامه رايحه راده هي غريبة عننا ولا يقعد يسولف معاها كأنها وحده منا لأ أنا ما أسمح بهالشي في بيتي تدردش معاي أنا مب مشكلة لكن زوجي ممنوع حتى لو كنت مشغولة وريلي كان يبغي ماي ما أخليها تجيب له وأنا موجوده بعدين نعود رياييلنا على الخدم وتسويله كل شي وانتي ياالزوجه ما لج دور في البيت غير الرقاد والأكل هالشي مب عدل أبد

    ديروا بالكم خواتي لا تعتمدون على الخدم في كل شي
  2. مظلومة وايد
    والله السالفة ما يبالها شي أول شي هل البشكارة عندها غرفة أكيد بيكون لها غرفة عيل وين بتنام ثاني شي المفروض وهذا اللي لازم يصير انه الوقت اللي يكون ريلج موجود في البيت الخدامة ما تكون موجوده الا في غرفتها وما تطلع منها الا اذا ناديتيها لح…
    مظلومة وايد


    الله يعطيك العافية والصحة ويقويك ويحفظك من شر هالخدم
    ماشاء الله تبارك الرحمن .. الله يديم عليك بصراحة كل كلمة
    قلتيها انا معك فيها اختي وانصح الحريم مايعطون الخدامة
    الخيط والمخيط .. بعدين تاخذ الجمل بما حمل ..
  3. @mss_lana

    انا مش متزوجه بس

    لاتخلي ولدك مع الشغاله بالذات اذا عرفت انكم في جلسه خاصه

    والله ما احد يدري وش تسوي في ولدك من قهرها عليك انتي وزوجك

    تعرفين الشغالات اكثرهم مايستحون ولايخافون من الله
  4. انا بقولج الغاليه احسن طريقه .. انتي خليها بغرفتها و لا تطلع منها الا بغيتيها .. و الولد خليه عندج يوم بتكونين بالبيت ... و عوديها ما تطلع من الغرفه اذ ما عندها شي .. بعدين لا تطفشين زوجج وااايد مع اني اشوف خوفج صح .. لانه ما تدرين شو اللي ايي في بالها ..
  5. @t0paz

    اختي كلام الاخوااااات صحيح واحب اضيف انك تخلي الكوي في غرفتهااا عشان لما تكون فاضيه

    تلتهي بكويهاااا

    وسلامتك ....

تابعي تجارب أخرى من هذا القسم.