الملف السابع لبنات المدينة عن المستشفيات والأطباء ملف تفاعلي

+



اختى تولد عندهم دايما وماشاء الله عندها 4 ومرة من المرات ولدت قيصري برضه تمدحهم بالقيصري
تمدحهم كلهم بس مااعرف مين بالتحديد بس اعتقد نجمه اللي ماتحب تدخل عندها وشكلها اصلا خرجت من المستشفى

مساء الخير
رجعت عشان اكتب قصة وﻻدتي في المواساة واترك لكم الحكم من خﻻل قراءتها
يوم الجمعه والسبت نزلت عليا شوية مويه مع مغص خفيف والم في الظهر رحت يوم السبت للمستشفى وكشفت عليا الدكتوره هاله وقالت 3سم
وطلبت سونار وتحليل دم عشان تتطمن ع موية البيبي وكلمتها ع ابرة الظهر وماشجعتني عليها بس انا اصريت عليها وطلبت اني اسوي التحليل الخاص فيها وفي السونار سالتني الطبيبيه عن اوزان اطفالي قبل كده واستغربت ولمن سالتها ليش قالت عشان وزن البيبي 3900 قلت كم ؟ قالت ﻻ 3600 واكدتلي الرقم ولما رجعت لهاله طمنتنتي ع موية الجنين وبس قالتلي روحي البيت !! واذا زاد اﻻلم بكره تعالي
انا استغربت انها ماعملتلي دخول وﻻ طلبت تخطيط قلتلها انا خايفة ارجع البيت ويفتح الرحم اكتر بعدين ماينفع اخذ ابرة الظهر ! مارضيت وبعد الحاح مني قالتلي طيب روحي امشي ساعه وبعدين تعالي اعطيكي طلق صناعي واولدك ! حسيت انها تبغى تصرفني وخرجت من عندها وانا ماني عارفه ايش اسوي ورجعت البيت ورجعت المستشفى بعد 24 ساعه لقيت الدكتوره نهى وشافت في الجهاز نتيجة السونار وسالتني عن اوزان اطفالي قبل كده وبعدين كشفت عليا قالتلي 4سم مايمديكي تاخدي اﻻبره !! شويه وابوس يدها واترجاها اقولها اﻻ يمديني ﻻن الطلق بارد وهي تتكلم وتدخل في مواضيع تانيه حسيت انها بتتعمد تضيع عليا الوقت
في النهايه قالتلي انا حاكتبلك تنويم وتطلعي فوق الدكتوره اللي حتولدك تكشف وتقرر يمديكي تاخدي اﻻبره وﻻ ﻻ
وضاع الوقت كمان في اجراءات الدخول وبعدين طلعت فوق واجتمعت مع الدكتوره غاده رمزي اللي حتولدني وجلسو يتكلمو كتير عليا وفي النهايه كشفت عليا غاده وقالتلي خلاااص ع كشك الوﻻده مايمديكي تاخدي الابره
والله يا بنات دخلت الكشك وانا مافيا طلوق الا شي بسيط وشويه شبكو مغذي واكيد حطو فيه طلق صناعي واشتغل من بعها الطلق الحامي واتا ابكي واقولهم حرام عليكم كنت ابغى ابرة الظهر بس امي صارت تقوللي انتياستخرتي الله وخﻻص ربي مو كاتبلك هيا واتوكلت ع الله بس المشكله طولت وقت الدفع الراس مو راضيه تطلع شفت الموت وربي والكمامه مالها تاثيييييير نوعين السودا والتانيه الشفافه حسيت بكل شي بالتوسعه وخروج الراس والمشيمه والخياطه وجاتني حاله هستيريه من اﻻلم وصرت اصيح الين راح صوتي وانا اقولهم بنجوني حرام عليكم انا باتعذب والدكتوره تقوللي اتحملي شويه كمان والله صرت اتشهد وخلصت وراحت تولد وحده تانيه الغرفه اللي جنبي وانا سامعه كل شي وصرت انتفض وابكي اقولهم ودوني غرفتي
وجلست ساعتين على دا الحال بعدين جات وكشفت عليا لقت معايا نزيييف وبسرعه رفعو رجولي مره تانيه وفتحو الكشافات وسالتهم امي ليش قالتلها ﻻزم خياطه تانيه داخليه عشان صار معاها تمزقات من الداخل ﻻن حجم البيبي كبير 4 كيلو !!!!
تخيلو يا بنات انا اسمع دا الكﻻم وترجع تعطيني بنج موضعي لكن ماياثر برضو حسيت بكل شي وربي شفت الموت وصرت اصيح وزوجي بره ممنوع يدخل سامع كل شي ويقولهم ليش ما تبنجوها ااه بس قلبي وجعني وانا اكتب قصتي سامحوني
حرام عليهم كانو عارفين ان البيبي حجمو كبير عشان السكر بس ما قالولي وطبعابعدين الدكتوره قالت ﻻمي احنا مارضينا نعطيها ابرة الظهر عشان نبغاها تحس وتدف !!! حسبي الله ونعم الوكيل قالتلهم حرام عليكم لو سوت عمليه قيصريه كان ارحم لها من دا التعذيب
وبس اترك لكم الحكم في اللي صار

دائماً المواساة مايمدحونة بس فلوس على الفاضي

اهم شئ ربي نجاكي ونجى البيبي وولدتي بالسلامة

حسبي الله ونعم الوكيل فيهم مستشفى المواساة .. حسبي الله وكفى !!

حزنتني قصتك جداً اختي ايودي .. الحمد لله على سلامتك وكفارة وطهور ان شاء الله ..

والله ينتقم لك من اللي اذاكي ..