انا ما عندي خادمه وما اروح عزايم عشان عيالي صغار يحوسون ...ومره حلفو اصدقائنا الا نزورهم والله على اعصابي واستحيت من كثر حركتي وراهم وقلت لصاحبة المنزل اللحين عرفتي ليش اعتذرت؟ ....حتى لو عندي خدامه مستحيل اخليهم معاها ..... مره جتني قريبه وتألمت من الخراب اللي سببوه عيالها وهي ساكته المويه على الالوان على الفرشه وكسروا العاب وتحف وهي بمكانها مامسكتهم وناموا عندي الولد بيسهر وعيالي مدارس راحت شغلت له التلفزيون والله الصوت عااااااااالي زوجي هرب لمجلس الرجال ينام غيه وعيالي يالله ناموا والولد الله يصلحه يصارخ ويلعب ويركض يفتح اللمبه على عيالي ...........مانمت مواصله الله يهديهم بس......
الله يهديهم والله اني شفت حريم يغيروا لاطفالهم على الكنب وعلى الفرش بالارض والوسخ ينزل على الكنب والفرش وانتوا بكرامه ولا تنظفه تمسح بالمنديل وكأن شئ ماصار والبامبرز يكون فيه سله لاا تروح تحطهاا بزبالة المطبخ وانا نهائي ما اخلط الزبايل عشان ربي ما يعاقبني الله يهديهم الناس تطورت ولازم ننشر بيسيهات علشان يفهمون الحريم
صراحة انا معك نعاني من هالحركات لاصارت امي مسويه جمعه لاراحم تلقين البيت معفوس فوق تحت البامبرز بكل مكان والكبار عاملينها بالحمامات الله يعزكم وتلقين نص صنابير المويا مفتوحه
يفظل الجمعه بستراحة ولا ببيتك بس تكون الحرمه ذربه وتعرف كل حاجه لها وعليها مو تجي وفاتحه فمها والجوال بيدها وتسب بتربية فلانه وولدها له ساعه بالحمام يفتح الباب ويسكره ويرش على البزارين الماء