محتارة بزوجه زوجي الاولى....! / استوفى الــردود

يا بنت الحلال انت مو بالجنه حتى بالجنه وانت بأذن الله يرزقنا الجنة ونعيمها ربي ينزع الغيره وهذا مذكور بالقرآن وينزع كل المشاعر السلبيه من غيره وكرة وبغضاء وغيرو وهذولا الى يدخلو الجنه بمغفرة من الله ثم اكيد ثواب طاعتهم وعبادتهم بالدنيا
لازم تكون في غيره ليه ما انت مستوعبه للموضوع وحتى اذا انت تبغي الخير هيا تضمنيها ابدا وكمان لا تلومينها معليش حبيبتى لا تزعلى لكن هذا الواقع الى احنا عايشينه

اذا زوجات الرسول علية الصلاة والسلام كان معروف ان بينهم غيرة و سورة التحريم من اسباب نزولها وتفسيرها مشكلة حدثت بين زوجات الرسول علية الصلاة والسلام سببها الغيرة

اجل كيف حالنا اليوم
انا ما الومك لكن ابغاك تكونى واقعيه اكثر اعملى بأصلك لكن توقعى منها اى ردة فعل وانت ادرى فيها وفي نفسيتها اذا تتقبل او لا
ايشبك ليه ترى هيا مو ملاك ولا انت ملاك

شفتووو انكم متناقضاااات ونفسياااات تعرفون تقولون الغيره كانت بين زوجات الرسول ماتعرفون تقولون ان الله حلل التعدد وهذا الي خلاني اكون زوجه ثانيه بشرع الله صرت كذا
وبقدرته .. والي تقول اني اطلع عيييب فيها بكل رد معذره لها والله يسامحني يارب مو القصد اني اعيب فيها زي مافسرتي اكيد والله يعفي عني يارب اذا اخطيت

واضح من اسلوبك للاسف انك ماعندك تقبل للنقد والنصيحه الا اللي يعجبك وهالشئ راح يتعبك كثييييييييييير

احلام مدفونه هدي اعصابك وروقي ليش معصبه
والله نعرف ان التعدد شرع ولا نقدر ننكر هالشي ياقلبي
لكن الشرع ليس واجب لكل انثى في الدنيا حق قبوله ورفضه
وماشفت احد حرم عليك الزواج من متزوج !
بس انتي جدا منفعله وبكل رد تكرري مريضات ونفسيات !
لا تتوقعي اي انسانه بالدنيا يكون عندها التعدد شي محبب للقلب يا اختي مافي انسانه تقبل الشريكه
الفرق بين الاولى والثانيه ان الاولى تزوجت وحيده وانفرض عليها التعدد
والثانيه قبلت باختيارها فلا تتخيلي احساسكم ونظرتكم للموضوع وحده
يا ليت تفكري بالكلام بمنطقيه وعقلانيه ولا تتبعي اسلوب الهجوم لانه يعكس سوء النيه حتى لو كانت نيتك صافيه
وانا مافسرت انك تطلعي فيها عيوب لانه شي واضح والواضح مايحتاج تفسير والله يغفر لنا جميعا الزلات والذنوب صغيرها وكبيرها
ربي يوفقك لكل مافيه خير ويخلي لك زوجك واولادك

الله يسر لكم يا حياتي