انا خريجة كلية الاداب ( انتساب ) اذا اخذت دبلوم تربوي في امل اتوظف تعليمي او اداري ؟؟

نفس سؤالك .... هل التربوي يفيد خريجة الانتساب العادي (( مو التعليم عن بعد ))

الجامعة تقبل المنتسبات في التربوي اتوقع يفيد بالتوظيف ( تعليمي )

جاوبونا بلييز

اناخريجة انتساب عادي مو عن بعد

ياليت اللي عندها فكره تفيدنا علشان ماادرس واتكلف وبلاخر ماستفييييييييد :humm:

انا ايضا خريجة بكالوريوس آداب (غير تربوي) ومنتسبة
اللي ابي افهمه ليش الوظائف التعليمية لا تشمل الجميع
احيانا ظروف الانسان تجبره يدخل تخصص معين وكلية معينة
والرسالة التعليمية رسالة تحتاج الى شخص متمكن في ايصال المعلومة وترسيخها في العقول بغض النظر عن نوع شهادته تربوي او لا منتظم او لا
كلنا درسنا وشفنا بعض المعلمات لا اسلوب تربوي في التعامل مع الطالبات ولا قدرة لتوصيل المعلومة من خلال الشرح وبالنهاية الأغلبية يظطرون الى الدروس الخصوصية لشرح الدروس مرة أخرى
لذلك يفترض على وزارة التربية والتعليم ان تنتهج سياسة جديدة في قبول المتقدمين للوظيفة التعليمية وليس الاعتماد على امتحانات نظرية (قياس مثلا)لن تفيد المعلم والمعلمة في عمله ويكون ذلك بعمل امتحان تطبيقي عملي على كل من يريد الوظيفة التعليمية تحت اشراف لجنة مكونة من مشرفين تربويين وتتعرف هذه اللجنة من خلال هذا الامتحان العملي على قدرة المتقدم من العملية التعليمية واداءها على أكمل وجهه
هذا ما لدي ... 

يقال فقط التوظيف في الاداري مسموح لو انك قديمة نصيحه اختاري جميع المناطق.
لانه الاغلب نقاطهم عالية لكن تختار منطقتها فقط
اما بالنسبة لغير التربوي لابد من اخذ التربوي لانه يفرق كثير
اذكر في موضوع ام تشتكي من معلمة بنتها دخل الموضوع في نقاش رد ت معلمة قالت دام انه في طالبات فهموا الدرس مو لازم الكل يفهمة سالتها و طلعت غير تربوي ولما قلتلها طبيعي الفروقات الفردية بين الطالبات مو مقتنعة بهالكلام ايش ذنب الطالبات اللي درستهم وهي تحسب دام انه في طالبة فهمت الباقي مو لازم مقتنعة ان الغباء من الطالبة الكسلانه مو جهلها في الفئة اللي بدرسهم و المشكلة تدرس ابتدائي.
بالنسبة لكلام وردة البيت طيب لو كان في لجنه تقيم قبل التدريس ايش فايدة التطبيق العملي و التربوي
ممكن يحصل لاي وحدة ظرف بنفس يوم التقييم و ماتادي جيد
اختيار التعليمي الاغلب لانه مافي غير التعليم بالذات الوظائف الحكومية الاخرى صارت حصري للواسطات
حتى ان معلمات محو الامية خلوها للمعلمات الصباح وبكذا يدفعون زيادة في الراتب
هذا ان بعض الجامعات توظف الاجانب في جامعة موظفة وحده هي وزوجها بنفس التخصص يدرسوا اللي هو جغرافيا وغيرها كثير في حين كم عدد العاطلات من هالقسم
غير جامعة حائل طالبة اجانب من دول عربية
لو تعرفي عقد التدريس الراتب 7800 و18 الف بدل سكن و6 الاف بدل مواصلات
و بجامعة ام القرى تم زيادة راتب للدكتور عربي 50% فقط لحصوله على الجنسية الفرنسية.
وبعد هذا كلة بطلعون السبب من العاطلات
لابد من توفير وظائف بعدة مجالات
و يكون في نفس طريقة التوظيف في جدارة على حسب النقاط مو مثل اللي حاصل صارت للواسطات واقارب الموظفات.