خطابي وأبوي ومشكلتي ... ادخلو وساعدوني

السلام عليكم ورحمه الله وبركاته

اول شي اتمنى ماحد يرد على موضوعي الا الانسانه الحكيمه والفاهمه وكل وحده تحط نفسها مكاني والام

تعتبرني مثل بنتها وتصدر رأئيها وقرارها ارجوكم يابنات بدون ردود عشوائيه والباقين ارفعو الموضوع الله يرفع

قدركم ...~


الحين انا 22 وراح ادخل 23 قريب طيب الحمد الله يارب وماشاء الله افضل بنات العايله جمال وكمال ودين وتعليم

مثقفه جدا ومعاي البكالوريوس والحين ادرس تربوي وقريب راح ادرس الماجستير انقبلت والله الحمد ودراستي

مع السنه الجديده تمام .....



خطابي هالسنه كثرو ومن جميع الاشكال والالوان وعندي مشكلتين يابنات ارجوكم ارجوكم ارجوكم ساعدوني

يمكن القى عندكم الحل والصواب لاني ف هم وقهر وحسره على نفسي

المشكله الاولى ان ابوي يرفض كل من تقدم لي :( بدون أي سبب والله يابنات رفض مهندسين ضباط مدرسين

حتى العساكر العاديين قهرني والله يعني استحي اقوله انا كبرت وابي استقر ابي بيت وعيال وحياه بس هو

يرففض ويشاور اعمامي واخواني من الاب والله محد يبي الخير لاحد يعني لي اخت من الاب اكبر مني ب شهور

ويتعلل انه ماتزوج قبلها رغم انه قبل زوج اختي من الاب اصغر من الثانيه بكثييير بس انا مدري ليه شغله ثانيه

لمى نوضح له والله هالاقارب مايتمون لاحد الخير يزعل علينا ويقول كيف اخواني وولادي ماشاورهم وهم والله

زوجو بناتهم محد شاوره او كلمه رغم انه اكبر واحد وكل شوي يكرر ولد عمها طيب ولد عمي ماخطبني واقل

مني ليه تنتظره؟؟! مو مشكله هنا صبرت نفسي وقلت لو لي نصيب راح اخذه ببس جد انقهر خلاص هي فتره

ومعد بيدق بابنا احد وبعنس عنده :(



المشكله الثانيه ....
الحين متقدم لي ناس كويسين مررررره الحمد الله يارب والولد نفس مواصفاتي ومطابق لي والله ييسر امرنا لكن ؟

انا قبل 5 سنوات مرضت ف الغدد بالخبيث وكان خفيف حتى فتره علاجي 6 شهور وتشافيت تماما الحمد الله

ويارب لك الحمد حياتي وشخصيتي وجمالي الكل يحسدني عليها بس هذا شي مو بيدي من الله الحمد الله

(ماشاء الله) لكن هل اقول لاهل الشخص ؟؟! او مااقوله هل اقوله بعد الملكه او قبل هل اقوله وقت النظره

والا هذا شي ماضي وانتهى ؟؟؟؟؟!!!




أرجوكم يابنات مابي ردود عشوائيه كل ام تعتبرني بنتها وتعطيني رأي سديد ووجيه وكل بنت تحط نفسها بمكاني

حرام والله انظلم واخذ لي متزوج او مطلق او ارمل او سكير بسبب هذا الشي القديم لان الناس يمكن تفهمه

شي كبير وتكش وتروح وبنفس الوقت ضمميري يأنبني اقول لازم اقوله؟؟!




انتظركم والله يجزاكم كل خير ياللي تردون

16 تعليق 2,341 مشاهدة

شاركي في النقاش

سجلي الدخول لإضافة تعليق.

التعليقات

15
  1. @khokhayh_1

    حبيبتي الله يوفقك وييسر امرك ان شا الله

    انا اقول لا تعلمين
    ماضي وانتهى الحمدلله،ومافيكي الا العافية
  2. @alshmoaa_althhbyh

    اذا هذا الشي خلاص راح وانتهى ولابيأثر على حياتك الزوجيه لاتعلمين احد وابوك حاولي ان امك تقنعه والله يكتب لك اللي فيه الخير
  3. @eman2015

    بالنسبه للوالد لازم احد يقنعه يعني انا من عايله يزوجو البنات بالترتيب لكن اذا كان الاب متزوج اكثر من زوجه يصير كل بنات زوجه يتزوجو بالترتيب ومالهم دخل ببنات الزوجه الثانيه فما ادري صراحه عن نظامكم
    بالنسبه للمرض اشوف انك تسألي طبيبك اذا كان المرض ماضي وانتهى وما يأثر على حياتك الزوجيه ولا على الانجاب فخلاص لا تقولي شي اما اذا كان له اي تأثير المفروض تقولي لخطيبك
  4. والله اختي مانصحك تقولين لانهم راح يحسبونه شي كبير
    وانتي الحمدالله الحين تشافيتي ومافيك شي
    يعني مالوا داعي تقولين لهم وبالنسبه لابوك خلي امك تقنعه وتحاول فيه تناقشه تحاول تعرف الاسباب
    وربي يوووفقك ويكتب لك الخير

تابعي تجارب أخرى من هذا القسم.