بنات الرياض عروس من الكويت محتاجتلكم

السلام عليكم ورحمة الله وبركاته

خواتي بنات الرياض او بنات السعودية الغالية على قلوبنا ، انا صراحة دايما اسمع عن الاسواق اللي عندكم وانها حيل حلوة ، عشان كذا انا قررت اني ازوركم بعد اسبوعين لاني عروس وحابة اجهز من عندكم
وانا ما عندي لا اهل ولا معارف بالسعوديه يعني ما اعرف غير المملكة والفيصلية وسوق طيبة
حابة تساعدوني وادري انكم ما تقصرون بهالمنتدى الرائع اللي احنا فيه مثل الخوات،، وخلني اوضح لكم

1- ابي احلا محلات العبي والملافع للعرايس الغالية واللي اسعارها زينه
2- محلات الالماس والساعات الماركة ، وسمعت ان في ساعات مستعملة عندكم ابي المحلات اللي تبيع ساعات مستعملة
3- محلات للشنط والاحذية الرزة يعني تصلح لعروس واللي اسعارها زينه سواء ماركة او مو ماركة
4- العطار اللي يبيع الحنه و السدر الاصلي و خلطات التبييض اللي بنات السعودية مشهورين فيها وفي توحيد لونهم ما شاءالله

5- اذا عندكم محل نكتار وين احصله ونعومي؟؟

واذا عندكم اضافات ادري خواتي ما تقصرون معاي
ولكم مني الف تحية

10 تعليق 4,772 مشاهدة

شاركي في النقاش

سجلي الدخول لإضافة تعليق.

التعليقات

9
  1. @othab

    وعليكم السلام ورحمة الله

    اهلين حياك الله

    اكتب لك وانا دايخة فيني نوم بس ماحبيت اطلع مارديت

    بالنسبة للاسواق الفيصلية والمملكة احلاها وافضلها
    وفيه بعد سوق صحارى وغرناطة هذي الاربع اسواق محلاتها متشابهة
    وتلقين فيهم فروع لنكتار ونعومي
    وفيه سوق العليا محلاته مختلفة عن الاربعة الي فوق
    فيه ملابس سهرة في مملكة المرأة بسوق المملكة الدور الأخير

    وملابس سهرة في محلات طريق العليا العام
    وملابس سهرة في محلات عماير السيراكون
    هذي الملابس الي فيها تقريبا من ثلاث الاف وفوق

    بالنسبة للطرح كل سوق تلقين فيه محلات للطرح

    الاحذية في كل سوق تلقين فروع لمحلات الاحذية

    وفيه محل القرعاوي قاليري على طريق العروبة عندهم محلات احذية
    و كلوديا ستايل في سوق غرناطة وطريق العليا و زيس للاحذية
    هذولي احلى شئ واسعارهم مرتفعة

    محلات طيبة تلقين فيها محلات عطارة

    بالنسبة للالماس فيه سرماس والحرمين والاسواق الاربعة الي فوق
    تلقين فيها محلات الماس
  2. @amonh_almzyonh_2

    وعليكم السلام ورحمة الله وبركاته ..

    حياك الله وبيّاك يا رثعة وان شاء الله أقدر أفيدك باللي أعرفه ..

    1 / العبايات :

    عندك نايت بيرد بالمملكة ..

    وخط الازياء برويال سنتر ~> طريق الملك فهد

    والاختيار الأول بالفيصلية وصحارى مول ~> حي الملك فهد

    وفاشن توب في طريق الملك فهد

    2 / محلات الألماس :

    عندك الفردان وفتيحي ومعوض والحرمين وسرماس وداماس كلها حلوة وتهبّل وتمزع العقل بعد
    بالنسبة للساعات أنصحك وبقوووة تروحين لـ ظباء نجد على طريق العليا العام ..
    وما اعرف محلات ساعات مستعملة للأسف .. ان شاء الله البنات يفيدونك ..

    3 / الشنط والجزم :

    روحي للمملكة عندك محلات ماركات كثيرة .. كوتش .. بربري .. ايغنر .. ساكس ..
    وعلى طريق العليا العام عندك جيفنشي وسلفاتوري فيراغامو وعندك باريس غاليري
    يبيع شنط ماركات تلاقين فرعهم الكبير إذا لفيتي من عند ستاربكس بطريق العليا العام ..
    وطبعاً لا تنسين هارفي بالفيصلية .. أنا مرة يعجبني ..
    وعندك محل على شارع الضباب اسمه ويداس للجزم .. مرة حلو بس غالي شوي ..

    4 / بالنسبة للعطار .. أنا أحب عطار الشيخ بطيبة ..
    والبنات يمدحون بن منقاش على شارع الجامعة ..

    5 / نعومي موجود بأغلب المجمعات .. مثل صحارى وغرناطة ..
    ونكتار بعد موجود بأماكن كثيرة على طريق الملك عبدالله وطريق الملك فهد وخريص ..
  3. @ohdh_btsgl

    هلا اختي الله يحيك في ارضك وبين اهلك والله يوفقك

    اما بنسبه للي طلبتيه انا بقولك على قدر معرفتي

    2- محلات الالماس والساعات الماركة ، وسمعت ان في ساعات مستعملة عندكم ابي المحلات اللي تبيع ساعات مستعملة
    فيه جزء من طيبه فيها محلات الماس وفيه بعضهم بيعون مستعمل

    5- اذا عندكم محل نكتار وين احصله ونعومي؟؟
    هذولي المحلين موجودين في اماكن كثيره في صحارى والعزيزيه مول
  4. @ordyh_55

    اسواق طيبه فيها محلات تبيع ساعات مستعمله ..مثل محل اسمه العالميه .ومحل اسمه بن طالب ومحل اسمه الخثلان ومحل اسمه عقدى..
  5. @tofy_okrml

    روحي رويال سنتر - غرناطه في مخرج 9 - مجمع الموسى في شارع العليا فيه ملابس سهره (مثل الي في عربيد عندكم)
    محل عبايات حلو وسعاره حلوه بعد على 300 و350 اسمه النجمه الفضيه في سوق العقاريه الثانيه في شارع العليا (لا يفتك هل محل بسرحه كل شي يسويه)
    فيه محل اسمه خط الازياء في شارع العليا مقابل مكتبه جرير ومطعم يامال الشام عباياته تب
    نعومي اكبر فرع في صحارى طريق الملك عبد الله وفيه نكتار وزهور الريف
    فيه محل اسمه ميلانو موضه في شارع العليا مقابل المملكه عنده جزم وشنط حلوه
    محل العالميه ومحل الدهامي في طيبه عنده ساعت ماركه مستعمله وساعات ماركه بس الماس تركيب
    بقشان جنب المملكه فيه ساعات ماركه اصليه وجديده
    اذا تبين عطور دهن العود ريحه تجنن وثابته روحي الصفوه محل في طريق الملك فهد جنب مستشفى المركز التخصصي
    واي شي ثاني انا في الخدمه وممكن تكلميني اذا بغيتي اي شي ارسلي على الخاص
    سبحان الله انا قبل اسبوعين كنت في الكويت اجهز وتي تجينا تجهزون

تابعي تجارب أخرى من هذا القسم.