بنات ابي افضفض لكم شوى
اعرف وحده تغار منى وتحاول تحطمنى حسبي الله عليها
تخيلو اذا قلت بقص شعري تحط يدها ع فمها وتضحك
وهي متزوجه وانا لا
لوسمعت ملكه بنت بعيد تقول ماءشاء الله والله مالومها تدس ملكتها وتطالع فينا تاملت فيها وسكت
ومره تمشى مع وحده تقربلي وجيت انا ابي اسولف معهم قالت بصوت عالى وش تبغين تمشين معنا وحنا متزوجات
لوشافتني كاشخه تقول والله لو اخوتي يحضرون كان من زمان مخطوبات
والله خلاص يكفيني اليتم وهي اكبرمني وعندها اب وام ولاترحم ولاتخلي رحمه الله تنزل والله اكتب لكم ودمعتي في عيني
فكت راسى حنا المتزوجات وكل شى متزوجات
كيف اقهرها ولله مره نادتني يوم جيت تهاوش بعدين ضربت الباب فى وجهي بدون سبب مقنع
انا ودى اقهرها يعني ابرد قلبي رد قوي كيف اتعامل مع ها الاشكال الله يخذها
كيف اخليها تروح عني
شاركي في النقاش
سجلي الدخول لإضافة تعليق.
التعليقات
14- قولي في كل صلاه ( حسبي الله ونعم الوكيل فيها ) بس
- ادعي ربك يشغلها في نفسها ويرد كيدها في نحرها
خليك وآثقه من نفسك من تكون هي تنكدين على نفسك عشانها ؟
بعدين ليش تنقهرين وأنتي عارفه أنها تغار يعني هي تتقصد تستفزك !!
طناش حبيبتي ترى الحقران يقطع المصران
أضحكي وابتسمي في وجهها إذا حاولت تضايقك وتنرفزك
وإذا أنتي من النوع اللي يفكر ويحرق اعصابه خلاص الله يعينك ردي عليها لاتخلينها تتمادى عليك - هذي وحده قليلة ادب ولسانها منفلت
ان قدرتي تسفهينها وتكبرين عقلك وتطنشينها يكون افضل لك ولا هي قلعتها وبيجيها يوم صدقيني كل الناس المفتريه يمشي الزمان فيهم وهم غرقانين بكبرهم وغرورهم واحتقارهم للناس وفجأه تجيهم بلوه يفقدون كل اللي عندهم ويصير أذّل الناس
دايما ادعي ربك ان يبرد على قلبك ويريح بالك ويصرفها عنك ويلهيها بنفسها ووسعي صدرك ولا تعطينها اكبر من حجمها تراها تافهه وعقلها صغير وغبيه لان تصرفاتها مو تصرفات وحده عاقله وذوق
وشوفي هي وش تبي توصل له وسوي العكس عشان تحرين قلبها
هي قصدها تستفزك وتشوفك مندقمه ومجروحه واذا تجاوبتي معها بتكون وصلت للي هي تبي لذلك قوّي قلبك واذا بدت تسوي هالحركات ناظريها ببلاهه كأنك مافهمتي عشان تموت من الحرّه - ﻻ تقولي.ماتخلي.رحمة.الله تنزل.ترى.حرام.حبيبتي.
- الصبح اول ما تصحين قولي اللهم اسالك خير هذا اليوم وخير ما فيه وخير من فيه واعوذ بك من شر هذا اليوم وشر ما به وشر من به 3 مرات ويوم بتشوفينها قولي في بالك اللهم اسالك خيرها واعوذ بك من شرها ا للهم إني اشكو إليك ضعف قوتي، وقلة حيلتي، وهواني على الناس، يا أرحم الراحمين اللهم أحبط يا ذا الكيد المتين كيدها، وأبطل يا خير الماكرين مكرها. اللهم إنا نجعلك في نحورهم، ونعوذ بك من شرورهم. اللهم لا تدع لها سبيلاً على
كانت عندي زميله في الشغل مصادقتنها عشر سنين وبعدين بدت تبعد بدون سبب استغربت منها بس فجاه اذكرت اني اردد كل صبح دعاء اللهم اسالك خير هذا اليوم وما فيه ومن فيه واعوذ بك من شر هذا اليوم وما فيه ومن فيه
ثاني شي اشغلي عمرك بشي ثاني يبعدك عنهم
وتعرفي على غيرهم ,,
انا اذا ابغي اقهر حد دايما اخلي علي وجهه ابتسامه بارده
مواضيع مشابهة
تابعي تجارب أخرى من هذا القسم.