زوجي وصلت معه قله الحيا الين امي تكفون ابي حل

السلام عليكم
اول شيء بلغيه انك راح توصلين الموضوع لاهلك وانه ماينسكت عنه
وثانيه روحي لأبوك وكلميه بالموضوع واذا ماقدرتي روحي لخوك الكبير
ولا تدخلين امك بالموضوع ودخلي رجال هم يحلونها ويوقفونه عند حده
ويخرسونه للابد زي ماقلتلك امك برا الموضوع دخلي ابوك ولا اخوك الكبير فقط

غريبه يتكلم عن حرمه قدام اصحابه وربي عيب اشبه ذا تجنن

مهما كانت شخصيته لاتعدينها يغير شخصيته ولسانه ولا يغلط على امك واهلك

بصراحه مدري وش اقولك بس هو قذفك وقذف امك بعد ولا بعد عند رجال انتي وش رايك رضيتيها على نفسك وسكتي شافك ساكته وأخذ راحته لانه عارف ومتأكد انك ماراح تسوي شي كلها زعله وتسكيرة باب اذا انتي ضعيفه ومهزوزه لهذي الدرجه فطبيعي انه يتمادى لازم توقفيه عند حده فشخص مثل هذا ماينعاش معاه لانه شخص ماعنده غيره على عرضه وحرمة بيته نفسي اعرف كيف تأمنين نفسك معاه خليك قويه وخذي موقف قوي يوقفه عند حده

حسبي الله ونعم الوكيل فيك
وعسى كل كلمة قلتيها تجلس في ذمتك ليوم نتقابل فيه عند رب العالمين
اشكالي اللي تقولي عليها ما تسعى لخراب بيوت عشان تفاهات اسمها كرامة
ما خرب بيوت الناس غير عقولكم والطيش اللي انتوا فيه
الرجال يتغير وتقدر تسعى في تغييره بس على طول اختصر الطريق بطلاق وكلام سخيف زي كلامك

جد تفاهه عيب استحي على دمك طالما انك عارفه القذف حرام مو عارفة السب والكلام هذا انه مو حرام ؟
اذا زوجها ارتكب حرام احنا نصير زيه ونحرش اقول قذف بلا حجج واهية وكلام فاضي
الله ينتقم منك على كل كلمة تكلمتيها علي ويجازيك فيها عاجلا غير اجلا



ولا تنسوا وراء كل رجل عظيم امرأه :)
بدل التحريش الفاضي انصحوها تغير زوجها للافضل والارقى وتجتمع معه في جنات الخلد

وعلى قولة جدتي الرجل طفل ان هديتيه وجبل ان رقيتيه ..
وما تاكل تمرتهم الا اللي تصبر على جمرتهم ..