والله عيوني تدمع ودي احسن وضعنا

السلام عليكم ورحمة الله
كيفكم خواتي
بدخل بالموضوع على طول
والله ان قلبي يتقطع اذا احد بيجيني البيت ماودي احد يجي لأنه متواضع جدا والحمدالله على كل حال لأن ناس ماهي لاقيه بيت تسكنه فكرت اسوي مشروع بسيط احسن وضعنا لو قليل نفسي اسوي حلا واعطي اصحاب المحلات يشترونه مني ويبيعونه بسعر الي يبغون وماأدري اذا بيقبلون اولا وحتى ماأدري اي محل اعطيهم يعني تموينات ولا اماكن الحلا وبنفس الوقت ماأدري وش نوع الحلا الي اسويه فكرت في كب كيك لأن عندي له صور تجنن وبحاول اسوي مثلها وبغيت اسوي تشيز كيك بس احس مقاديره غاليه وبخسر فيه واحيانا اقول اطبخ طبخ يمكن احسن من الحلا  وابغاكم تساعدوني انا غرب الرياض اذا وحده عندها محل مستعده تتعامل معي ياليت ووش تنصحوني رأيكم يهمني تكفون لو ترفعون الموضوع بس ويجزاها الف خير الي ترد 

57 تعليق 5,047 مشاهدة

شاركي في النقاش

سجلي الدخول لإضافة تعليق.

التعليقات

57
  1. @sarh_alshhry_1

    الله يوففك ويرزقك
    برائيي تبدي مع لجيران والاقارب ولو يكون طبخ افضل
    او حلو اللي يناسبك من ناحية التكاليف راح تخسري بالبداية عشان المقادير
    بس مع الوقت بتتعوض
    او حاولي تلاقي تاجره وتكوني مندوبة معاها
    او مسسوقة ..
    كل شي بالبداية صعب بس شوية صبر والله يوفقك
  2. @am_gory_oaalaoy

    صاحبة الموضوع
    الله يسعدكم الي رديتوا بس صراحه انا استحي ماودي يدرون الأقارب اعرف ماهو عيب بس حتى نظرتهم

تابعي تجارب أخرى من هذا القسم.