بسم الله الرحمن الرحيم
السلام عليكم بنات حواء الجميلات
ماطول عليكم انا اجهضت ثلاث مرات متتاليه والحمدالله انا عندي ولد وبنت بالمدرسه
ابي اشوركم بتسقيطاتي ومن اي وحده عندها خبره ولا اي وحده تساعدني وتريحني من التفكير ولها ان شاءالله دعوه مني بصلاة الوتر وبظهر الغيب
بنات انا كل الي اجهضتهم بعد اسبوع واسبوعين من من الحمل يعني بداية حملي
والحمل من احلل يقولولي ضعيف
والحمد الله على كل حال خيره ان شاءالله
المهم سالت دكتوره عن السبب قالتلي احتمال في شي بالدم قتلها انا فصيلت دمي سالبه واخذ ابره بعد الولاده
بس بنتي مااخذتها ولاسالت توقعت نفس فصيلتي علشان جذي ماعطونياها المهم الدكتوره قالت مومهم بس بعد التسقيط اخذتيها
قتلها ولا مره اخذتها عصبت وقاالتلي ليش ماعطوج اياها انتي تسقطين بسبب الابره لانج مو ماخذتها وحولتني للمستشفى وعطوني الابره الحمدالله
بس دكتور المستشفى ماطمني لماسالته يقولي احتمال من الابره احتمال في شي ثاني
المهم يابنات الله يوفق كل وحده ترد علي ابي نصيحتكم وشوركم شسوي انا ماني معترضه على حكم الله والحمد الله عندي خير من الله بس زوجي يبيني احمل وانا خايفه احمل وهم يطيح لاني والله مليت من المستشفيات والمراجعات والحمد الله على كل حال
شاركي في النقاش
سجلي الدخول لإضافة تعليق.
التعليقات
8- الله يرزقك ادعي ربك واتوكلي عليه وماتشوفين الا الخير ان شاءالله
حـتـوتـه الله يرزقك ادعي ربك واتوكلي عليه وماتشوفين الا الخير ان شاءالله
لابد لك من دكتوره خبيره عشان تحدد المشكلة إللي تسبب الأسقاط
يعني لاتفكرين في الحمل إلا بعد العلاج بإذن الله
سوي تحاليل عشان تشوف الدم وهرمون بطانة الرحم إذا كان ضعيف أو سليم وأشربي ماء زمزم مقري فيه والله يرزقك بالحمل السليم الثابت أللهم آمينمعالي 503 لابد لك من دكتوره خبيره عشان تحدد المشكلة إللي تسبب الأسقاط يعني لاتفكرين في الحمل إلا بعد العلاج بإذن الله سوي تحاليل عشان تشوف الدم وهرمون بطانة الرحم إذا كان ضعيف أو سليم وأشربي ماء زمزم مقري فيه والله يرزقك بالحمل السليم الثابت أ…
انا مثلك تماماً بس أني سويت جميع الفحوصات اللي تتعلق بالإجهاض وطلعت سليمه الحمدلله
وترا ساعات يكون الحمل ضعيف لان التلقيح أصلا كان ضعيف ( اللي تغسل بعد الجماع ع طول)
و إذا تفكرين بالحمل لازم تهتمين باكلك وتأخذين فيتامينات وحمض الفوليك من قبل الحمل
اسأل الله ان يعوضك بالحمل السليم الثابت يارب- حتوته ومعالي 503 ومبتعثه في امريكا
اشكرم من كل اعماق قلبي
ولله يسمع منكم ان شاء الله ويوفقكم ويفتحها بوجيهكم يارب في الدنيا والاخره
والله يرزق كل محروم ومحرومه يارب - سؤال ليش ماترقين نفسك بالرقية الشرعيه
لانك ماوثقتي بالرقيه ماعلاج؟
او لانك مستصعبتها؟
اشوف بنات كثارررررر يعالجون انفسهم بخلطات وخرابيط وادويه ولا يبدون بالرقية الشرعيه
اختي ابدي اليوم بالرقيه وعندي لك رقية سهله وسريعه
بس لازم ماتقولين اجرب كانك بكذا تقولين اشك بقدرة الله على علاجي
باي وقت يعجبك
افضل قبل النوم
تجمعين كفيك لوجهك وتنفثين بريق بسيط ثلاث مرات وتقرين سورة الفاتحه كلها وتمسحين فيها كلك
ومره ثانيه تنفثين بكفيك وتقرين بكفيك سورة الفاتحه وبرضو تمسحين نفسك
والثالثه زيها
والرابعه
والخامسه سبع مرات لو حابه
لو تبين احدعش مره كيفك بس المهم يكون فردي العدد تقرين سورة الفاتحه فردي مو زوجي
ولا يشغلك شيء تكونين مركزه على السورة
انا قبل يومين قلت لاصديقتي ترقي ولدها الكبير لانه تعبانه عيونه
وسبحان الله تعب ولدها الصغير مع الرقية ترقي الكبير والصغير الصغير تعب وجته حرارة وحبوب بفمه ماكان واضح عليه شيء بس قالت ارقيه بعد هو ونصدمت انه الصغير تاثر بالرقية لانه بسم الله عليه الله يحفظه راعي سواليف وهو ابو سنه وزود
اختي رقت نفسها لها الحين يومين تعبت مع الرقية تقول معي صداع ودوخه والم بالكتف تقول من بديت ارقي وانا اتعب
وان شاءالله راح تستمر الين تتشافى اسبوع وراح يروح التعب
وحده معها الدورة غير منتظمه انتظمت بدون ادويه يوم بدت ترقي نفسها
مواضيع مشابهة
تابعي تجارب أخرى من هذا القسم.