شرايكم بالبنت الي تشتغل بيت اهلها

@bnooth_kyot_3

السلام عليكم ورحمة الله وبركاته بنات انا قبل شوي فاضيه وقاعده افكر بموضوع ان البنات يشتغلن بالبيت وامهن تجلس وفيه حريم كثار كذا احس البنات يكسرون خاطري المفروض يساعدن بالبيت مو يمسكن البيت من الى البنت احللى ايامها بيت ابوها خلوها تستانس ةتدلع وتفكر بس بمستقبلها ودراستها مو تمسك البيت وتاخذ دور امها بالبيت من تنظيف وطبخ هي وش ذنبها اذا ماستانست الحين متى تستانس الي عندهم بنات ريحوا بناتكم ترى الدراسه اهم من البت انتي يالام مسؤله عن البيت والطبخ هذا بيتك انتي مملكتك انتي هي لاحقه على الشغل :3_13_11: والموضوع لنقاش وش رايكم

78 تعليق 10,856 مشاهدة

0 0

شاركي في النقاش

سجلي الدخول لإضافة تعليق.

التعليقات

76

  1. @allolo_dlo

    عني انا اساعد والدتي احزن عليها يعني حنا بسن الشباب  نقدر نستحمل الجهد والتعب وبعدين نخفف حمل عليها ولنا اجر بإذن الله
    واما انها تستانس الحمد لله وصدقيني من تتحمل وتساعد بيت اهلها ترتاح اذا تزوجت والشغل يخف ويكون جسمها متعود على الحركه وماتتعب كثير بإذن الله

  2. @dlaa_shrky

    الدينا دين

    تساعد الان امها بكرا يساعدونها بناتها

    وامك ذاقت الموت عشانك وحرمت نفسها الراحة كبرت ريحيها واسعديها دامها موجوده وتتنفس بكرا الموت يفني كل حي

  3. @ataabt_mghlyk

    بالعكس المفروض البنت تريح امها وتمسك البيت وتهتم فيه والام هي الي تساعدها
    هذا رايي الشخصي

  4. @toaylala

    موضوعك حلو بس صعبه نترك الأم تمسك البيت هي بعد سنوات من الكرف لازم ترتاح ونبر فيها وبنفس الوقت حلو البنت تتعلم ببيت اهلها عشان مستقبل بيتها. واولادها لكن مايمنع يجيبون شغاله تريح الأم والبنات خصوصا الطالبات ويكون الإشراف من الأم وبناتها اتوقع حل يرضي الطرفين يطبخون ويتفننون ويحلون التنظيف على الشغاله كذا اريح 

  5. @taab_klby_8

    مع إن في بيت أهلي شغالة ..

    بس فرحة الأم بخدمة بنتها لها ما تنقاس بالدنيا .. وهذا بحد ذاته يكفي

    وهالبنت اللي تكرف في بيت أهلها بتحصلها إن شاء الله أجرها ما بيضيع وبرها بوالدتها أكبر عبادة تتقرب فيها لله سبحانه ..

    الحين بعد ما تزوجت وجربت الأمومة ندمت عالأيام اللي كنت فيها عند أمي وما خدمتها أو قصرت معها وإن شاء الله ربي يطول بعمرها وأحاول أعوضها عن اللي راح لو بشي بسيط

تابعي تجارب أخرى من هذا القسم.