إسمعو قصتي وأعطوني رايكم محتاجه لكم ياأخواتي ولاتنسوني من دعائكم
أبقلكم القصه باإختصار وحده من جماعة أبويا حزنت عليا لمن شافت وضعي وعرفت إني مطلقه وأبغا أتزوج ومحد يبغاني قالتلي أنا أبجبلك عريس وبعد فتره دقت عليا وقالتلي فيه وحده ه من جماعتنا زوجت عن طريق موقع مره مبسوطه وذحين عندها بنت قامت أعطت رقمي هذي إلي تزوجت عن طريق موقع وقالتها ساعدي هذي البنت طيبه مره وماتعرف شي وأخذت رقمي البنت وبدأت تراسلني الصراحه أنا مره طيبه وعلى نيتي وماني مفتحه ولاقويه زي بعض الحريم طيبه بزياده وهاديه ومزاجيه وماأحب الكلام الكثير ورسميه في تعاملي مع الناس ماأحب التصنع والتغنج أنا طبعتي كذا بس حلوه والحمدلله ومافيا شي وجاتني هذي البنت إلي تزوجت عن طريق موقع في بيتنا وأنا من يوم ماجات كلامي قليل وماأحب الكلام الكثير ولاهيا تقول لاأخواتي إيشبها أختكم ماتتكلم ولمن تراسلني في الواتس تقلي غيري طبعك الرجال مايبغون وحده زيك ماتتكلم وماتضحك وأنا بصراحه نفسيتي مره تعبانه من الظروف إلي مريت فيها وبعدين قالتلي البنت سجلي في موقع ويجيكي من يخطبكي شوفيني الحمدلله مبسوطه وزوجي مره يحبني المهم سويت زي ماقالت سجلت وجانا واحد كويس الرجال مطلق وعنده بزوره بس ماصار نصيبب بيني وبينه راح في حاله وإحنا في حالنا هيا قالتلي سجلي وإختاري لنفسك زوج وأنا بقول لاأهلك إني أنا جبته وقلت لاأهلي إنه من طرفها الخاطب لاإنهم مايبغوني أتزوج عن طريق موقع وراح لهم في بيتهم وبعدين جابوه عندنا وشفته وشافني نظره شرعيه بس ماكتب ربي الصيب أنا بصراحه حظي تعبان وعلى نيتي وطيبه وحالي حال نفسي ماأحب المشاكل ولاأحب القيل والقال البنت هذي إلي جات تساعدني دايما تدقني بالكلام تقلي الرجال مايبغا وحده زي وتقلي بطلي ثقالة دم وكلامها مره مايعجبني من يوم جاتنا في بيتنا أحس إنها ملغوصه من أهل قلنا وقالو أنا فرحت لمن جاتني قلت كويس بيصير عند وحده أحسن من أخواتي تفهمني وتساعدتي وتوقف جنبي ولاهيا تبغا تطلع في عيوب باأي وسيله وتلطخ بالكلام حطت صورة زوجها في الواتس وأنا على نيتي قلت هذا زوجك حلو ماشاءالله وأنا متأكده إني قلت ماشاءاالله قامت قالتلي ليه ماتقولين ماشاءالله طيب أولادك هذولي إلي بتفقعون من العافيه الواحد كبر حجمه مرتين بالله إشرايكم فيها هذي إلي جات تساعدني وتصير زي أختي كلامها مقل دمك وكلامها زي الرصاص ×××× ماعجبتني الصراحه ولاإرتحتلها ساعدوني أعطوني رايكم إش أرد عليها وإش أقلها وكيف أصرفها أبغا أقطع علاقتي فيها؟ ؟؟