انتبهو من الغاز يا اخوات

السلام عليكم
صباح الخيرات
كيفكم يا اخوات
ا تمنى تكونون بخير وصحةوسلامة
انا حبيت احذركم من الاهمال في الغاز الي سبب كثرة الحرائق بسب وضع الانبوبة في مكان حار او عدم
الاهتمام في انظمة السلامة ولان اخوي يحكيلي امس يقول وهو راجع من العمل على الظهر تقريبا الا و
في بيت قبل بيت اهلي بشوي ويطلع منه دخان كثيف ويقول لما قربت من البيت ما حصلت احد الا شابين
واقفين تحت ويطالعون البيت واسئلهم البيت فيه احد قالو ماندري ويقول دقينا كل الاجراس الي عند البيت
وطلعت حرمه سوريه ساكنه تحت فقلنا لها اطلعي البيت فيه حريق ويقول طلعت عيالها ودخلت بسرعة تقول
بجيب اوراقي وذهبي ولان زوجها بالعمل مو موجود ويقول شكينا بالدور العلوي هل فيه احد لان من دقينا
الجرس ما في احد رد والمشكله ان الحريق شكله فوق وقررنا نروح ندق الابواب من باب الاحتياط لا يكون فيه
احد فوق ويقول فعلا دقينا عليهم وطلع فيه ناس قلنا لهم بسرعه اطلعوا البيت فيه حريق ويقول والله اول ما
طلعنا ونزلو الناس تعالو واسمعوا اصوات الانفجارات داخل البيت والنار والدخان الي طلعوا منه بس الله رحمهم
وستر عليهم والله يكفينا وياكم شر النار دنيا واخره