تحسين ان الله معاك

بسم الله الرحمن الرحيم اختى فى حياتك قصص ومواقف تحسين ان الله معك او حدثت لاشخاص تحسين ان الله معهم : 1- فيه عجوز جنبنا ما شاء الله عندها عزبه وغنم وخير ودائما توزع لبنها على الناس شخصيا وتعطى القريب والبعيد ومره سخيه وفيها خير وفى يوم سار لها حادث سياره وانعفس وجه السياره وتعورت هى والى معاها وجاء الاسعاف:11retcher وشالهم وتقول العجيز سبحان الله افترت السياره والتفت واستوجعنا ودباب ( الاوانى الى يوضع فيها اللبن ) اللبن ما انتثرت ولا تحركت من مكا نها ولا صابها شى سبحان الله الناس تعجبو من وصلها وعطائها الله حفظ اوانى اللبن 0:) 2- امى عجيز ومن كم سنه سبحان الله من دون مقدمات ولا سبب تعبت فجأه ونقلناها المستشفى ودخلت فى غيبوبه لا تسمع ولا تشوف ولا تتكلم وقال الدكتور لها 24 ساعه لو عدتها ورجع لها الوعى الحمدلله لو استمرت لاحول ولا قوة الا بالله وتصدقون لاالله الا الله انقطعت عن العالم واحنا حوالينها متعجبين من قدرت الله لااله الا هو شفايفها واصابيعها تسبحن وتستغفر والدكتور يقول ايش الحاصل قلنا قدرت الله انقطعت عنا بس ما انقطعت عن الرب سبحانه ورجعت لوعيها الحمد لله ابشركم 3-جارتنا كبيره شوى وتتعب من الدوجه فى الاسواق لكن بفضل الله عندها بنات ايتام تشرف عليهم وتوديهم بعض المرات للسوق لقضاء حاجاتهم وكانو 5 بنات ودائما تتعب من ا لمشاوير تقول يوم البنات كلمونى لهم حاجه ما رديتهم وتوكلت على الله ورحنا السوق:3_10_6: ولفينا السوق وشرو البنات اغراض المدارس وهدايا لهم وعشيتهم والله ما حسيت بالوقت ولا بوجع رجولى ولااشتكيت ورجعت بعد ما وصلتهم بيتهم وتقول سبحان الله كانى ما كنت امشى ولا رحت مكان لكن الفرحه ماليه صدري من فرح البنات 4- سا فرت المانيا من كم سنه لعلاج ابنى وكانت بنتى الصغيره بكايه الله يصلحها وكنا خمسه ورحلتنا للعوده فى الليل وزوجى دخل يصلح الجوازات وما قدر يطلع علينا وكنت منقبه وغير مرغوب فينى عند النصارى واحتست حوسه ما يعلمها الا الله ويبعث لى ربى ذاك الرجال البحريني الله يفتح عليه وين ما لقا وجهه ويسحب لى كراسى فى الليل قدام الناس ويجلسنا ويوم ركبنا الطياره الا وعينه فيني يراقبنا ومت من الفشيله ويوم نزلنا البحرين ترانزيت الا ذاك المقبل على والله ما تصدقون بسياره صغيره مثل العربه ويركبنى مع اعيالى ويشيل قشى ويودينى عند الجوازات وسبقنا ابو العيال وينزلنى ويقولى لو بغيتى شى انا تحت امرك انا اشتغل هنا فى المطار قعدت ادعيله من كل قلبى الله يساعده ويفرج عليه دنيا واخره ******** :arb: وابو العيال متعجب ويشكره عاد يالله شاركوني واعصروا الذاكره وامتعونا بالمواقف الحلوه0