السلام عليكم ورحمة الله بركاته
مساء الخير ....
بأقةلكم قصتي من بدايتها أنا متزوجة من تقريبا 15 سنة وكنا انا زوجي متفاهمين وكانت حياتنا ولااحلى وعلى السنوات الثمانية قام يعمر بيتنا وماتعرفوا قد ايش فرختي أنا وعيالي ببيتنا لانه حسينا انه المكان اللي رح نرتاح فيه وخاصة كنا ساكنين عند أهله وتعرفوا الوحدة ماترتاح عند اهل زوجها وخاصة انهم من النوع اللي يتدخل في حياة عيالهم كثيييير المهم نقلنا فيلتنا من تقريبا سنتين وطبعا مانقلنا الفيلا نقلنا شقة في الفيلا لنه الفيلا عبارة عن شقتين قبال بعض والفيلا نفسها اللي هي غرف النوم والاستقبال
المهم بعد مانقلنا الشقة تغير زوجي كثييير وقلب علي وقام يتمنن علي واحسه قام يحسدني حتى طريقة كلامه معاي ونبرة صوته تغييرت كثير ودايما يقولي احمدي ربك وانت ساكنة في شقة بس من بيتي واصلا الفيلا ماهي ليك هي لاهلي وانت معاك الشقة رضيتي فيها رضيتي مارضيتي كيفيك
يعني قلب علي بتصرفاته وبكلامه وصار يروح لاهله كثير ويقعد يتكلم فيني عندهم وهم معاه في الخط يصدقون كل كلمة يقولها لانهم ممن النوع اللي مايحبون يشوفون الخير على غيرهم
وصارت بيننا مشاكل كبيرة والله كل ليلة دموعي على خدي من تصرفاته وتصرفات اهله الين صارت بيننا مشكلة كبيرة وامه اصرت عليه الا يطلقني وفعلا سمع كلامها وطلقني وصارت بيننا طلقتين وانفصلنا والحين تقريبا لنا 3 شهر منفصلين وخلال الفترة هذه طبعا امه خطبت له وزوجته والحين زواجه بعد شهر تقريبا وبيجيبها في الشقة اللي قبالي والمشكلة انه انا ماعندي اهلي ابوي وامي متوفيين ماعندي اخوان ,وانا لما شفته تغير علي مرة اشتريت لي شقة تمليك طبعا اقساط لاني موظفة والحمدلله وهذ من فضل ربي والمشكلة اللي انا محتارة فيها هل اكمل حياتي في الشقة اللي في بيت طليقي علشان عيالي واطنشه واخلي تفكيري كله لعيالي لانه قال عادي اجلسي مع عيالك في الشقة بس الفيلا او لشقة الثانية مالك دخل فيها تخيلوا فين وصل ظلمه اخذ مني بيتي وفرحتي ببيتي حسبي الله ونعم الوكيل والحين بعد ماملك على زوجته صار يجيب زوجته في غرفة النوم اللي في الفيلا اللي خططنا لها مع بعض طبعا هانت عليه العشرة واستخسر الفيلا علي انا ام عياله ودخل فيها زوجته الثانية والمشكلة اني جالسة في الشقة في بيته بس اخباره توصلني وانا اتعب لما اعرف اي شيء عنه هو وزوجته لان عيالي يققولوا لي كل شيء وانا نفسيتي تعبت والله بين نارين اخاف اطلع واضيع عيالي وبناتي ويحرمهم مني او اني اجلس في شقتي اللي في بيته واقعد اسمع صوته وحركاته ودخولهم وخروجهم والمشكلة الكبيرة انه ر ح يجيب زوجته الثانية في الشقة اللي قبالي مباشرة ...
تتوقعون اذا طلعت ورحت شقتي اللي اشتريتها بيعطيني عيالي وخاصة البنات لانه اخاف عليهم مرة من عيال اخوانه وخايفة عليهم من عمتهم الجديدة لانه مرة خالي كلمه بموضوع العيال قاله عيالي مايطلعوا من بيت ابوهم ,,اخاف اطلع واكسب راحتي بس اخسر عيالي وفي نفس الوقت جلستي في بيته مالها داعي وغير كذا تضرررت نفسيا وصرت بس سرحانة وافكر وبس ابغى اعرف وين راحوا ووين جوا وايش جاب لها وايش ماجب لها ومتى رح تيجي وليه يعاملها بذي الطريقة وانا كان قاسي علي والله مخي بس يلف ويدور ونفسيتي تعبت قلت يارب لما كنت معاه ماريحني ولما طلقني بعد ماارتحت وطبعا الطلاق انا ماكنت ابغاه بس الله المستعان ويش تقولوا عن الحسد والحاسدين ومانقول الا الحمدلله على كل حال .
فاللي عندها مشورة لاتبخل بها علي لاني في امس الحاجة لها ولكم دعوات في ظهر الغيب بان الله يفرج لكم همومكم وييسر لكم اموركم ويسخر لكم ويبارك لكم فيما اعطاكم
شاركي في النقاش
سجلي الدخول لإضافة تعليق.
التعليقات
17- اسأل الله ان ينصرك اختي على من ظلمك
اما بالنسبه لجلوسك فالبيت حقه والله ماله داعي احس فيه احراج لك ورااااح تتعب اعصابك من مراقبتهممدام عندك بيت ملك الحمد لله روحي فيه واستمتعي بحياتك وانبسطي وانسيه هو وزوجته
وعيالك صدقيني بس يهددك فيهم والا من اول ماتروحين بيقول خذيهم
اشتري راحتك اختي وتزوجي اذا امكن وانبسطي بحياتك
جلوسك ببيته ماراح يجيبلك غير الهم
ولا راح تستقرين لا انتي ولا اولادك ولا راح تحسون بالسعاده ابدا
الله يكتبلك الي فيه الخير ،، - وصدقيني لما تبعدين عنه احتمال كبير يحاول يراضيك ويرجعك لعصمته
لانو لسه انتي مطلقه طلقتين بس
اما كذا مدامك لسه تحت جناحه ماراح يفكر فيك ابدا
وبالنسبه لزوجته الجديده طبيعي فالبدايه يدلعها بس مصيره يرجع لام عياله الي هو انتي - الله يصبرك .. شوفي عزيزتي اي رجال بيدلع زوجته في بدايت الزواج
بس انت لاتعبي نفسك باخذ اخبارهم عيشي حياتك تكشخي والبسي ولا كأن شي صار
دلعي نفسك لاتقولي كرهته او شي كذا لا دلعي نفسك علشانك انت مو لاحد ثاني
ولا تبكي قدامه خليك قويه اما خروجك من البيت اولا شوفي مصير اولادك
الافضل يكونوا معك لان محد بيهتم فيهم زي الاام.
وبرجع اذكرك هتمي بنفسك وبس وعيشي يومك ..وحده من البنات
تزوج عليها زوجها زعلت وخرجت من البيت وكلمت استشاريه
وقالت لها ارجعي بيتك ولما يرجع زوجك من السفر طلبت منها تروح مشغل
وتعمل تسريحه وميك اب ونقش كأن هي العروسه كانت ردت فعل زوجها غريبه اتفاجأ
وجلست كذا على حالها دلع وحركات الاان ندمان على زواجه من2
اعتذر ع الاطاله والله يكون بعونك.. - حياتي والله اني حزنت عليك مرررره ياختي الرجال مالهم امان
والغريبه انه كان معاك زين بس ايش الي غيره
اعملي مثل ماقالولك البنات
وحطي في بالك المؤمن مبتلى وحنا جينا الدنيا للعباده بس والدنيا فانيه اهم شي الفوز بالجنه
لما تفكرين بهذه الامور بترتاحين
واقولك سبحان الله ماتدرين يمكن يطفش من زوجته ويتركها ويرجع لك - يرجع لي وليش انا انتظره يرجعني صحيح في البداية كنت اتمنى انه يرجعني قلت يمكن يتعدل يعرف اخطاءه ,,لا والله الا احسه ولا كانه كانت بيننا عشرة وايام حلوة ماادري ايش اللي غيره والمصيبة الكبيرة انه كل مااقول بكرة يمكن يرجعني اتذكر انه دخلها غرفة نومي اللي كنت احلم فيها واللي خططت لكل ركن فيها وتخيلت كل ركن كيف بيصير اخذها مني ودخل زوجته الثانية فيها ,, بالله كيف تجيني نفس ارجع له والله طابت نفسي منه ومن بيته ومن اهله ومن عدم تقديرهم لمرة الولد وخاصة لما تكون في خير ونعمة مايرتاحوا الا ينكدوا عليها ,,,مااقول الا حسبي الله ونعم الوكيل
مواضيع مشابهة
تابعي تجارب أخرى من هذا القسم.