هذي العباره قالتها لي خالتي بعد ماكلمتني ثاني يوم بوﻻدتي في بنتي قبل سنتين ونص
كنت والد الليل ونمت بعدها وقمت الصباح مرتاحه ومبسوطه بأعظم انجاز، ورديت ع اﻻتصاﻻت اللي يباركون
أتفاجئ أن خالتي قبل ماتسكر تقول لي..
يابنت أنا أمون عليك..وصوتك مايوحي أنك والد، تميرضي ترى عيون الناس ماترحم. هذي الكلمه رغم انها قديمه
بس لحد الان مانسيتها
أنا هنا ﻻ تعليق ﻷن قبلها صديقتي قالت لي أول ماقلت ألو(ياحليل صوتك ماتغير)
طيب..أنا أعرف أن الوالد تمر بتعب،لكن هل معناته أنو لما بحة صوتي بعد صراخ الطلق تروح أتصنع هالشي عشان ماحد يقول ماتعبت؟؟؟وهل كون صوتي واضح ومافيه خمول يعني أنا صاحيه وبس كحيت وطلع البيبي ومامريت بتعب وﻻ شييييي!!!!
الله أعلم بالمعاناااه واللي مريت فيه الطلق الصناعي عاد وماأدراك..أصﻼ أول ماولدت ماأقدر اتكلم انمسح صوتي لكن كونه رجع الحمد لله: )
أنا فعﻼ متعجبه..تصوروا جلست 5 أيام ماأرد ع اﻻتصاﻻت مابي أحد يعلق وبنفس الوقت مااااأعرف أتصنع
السؤال..
إلى متى بيظل عندنا هاجس العين والحسد والخوف من تعليقات الناس
إلى متى بنجلس نتظاهر بالمسكنه ونخفي النعم ﻻحد يحسدنا أو يطالعنا؟؟
تفاعلكم
شاركي في النقاش
سجلي الدخول لإضافة تعليق.
التعليقات
71- الى ان تنتهي الارض ومن عليها ......فيه ناس كذا طبيعتهم عينهم حره لو انهم يحبونك ..وفيه ناس حسوووده ...
- الله يعينا
- والله بعض الناس حسده بشكل ماتتخيلين
الله يعينا على هال نماذج - ترا سبحان الله ماجانا الحسد لا من قلت الرضا اللي بنفوسنا سبحان الله بدل الحمد صار صخط
- والله صادقه في ناس عيونهم حاره الله يحفظك ويحفظنا
مواضيع مشابهة
تابعي تجارب أخرى من هذا القسم.