ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

حوائيه كول كلنا نحس بنفس احساسك متخبطين وحائرين امام اولادنا
استخدمت الاوميغ 6 اشهر كامله كانت اكثر من ممتاز فى الفهم والكلام صح مو مثل اللى بعمره بس تطور عن قبل
انقطعت 3 اشهر لانه انقطع عنا الاوميغا حسيت تطوراته توقفت مافى شئ جديد بعدين رجعته من شهرين ما شاء الله قفز قفزة قويه جدا وصار يحفظ حتى سور القران طبعا ولدى بعد خمس شهور بيكون عمره سته اذا الحركه كثييييرة وقويةومعاها عنف وضرب الاطفال خليه يعطوه ريسبيدال هذا للاسف العلاج بهالعمر مافى غيره ريسبيدال واوميغا واذا عندك ايباد احذفى كل الالعاب اللى فيه نزليله العاب بازل بس ونزلى لعبه او اثنين ما اتكثرى علشان ما يتشتت والله يفرج علينا يارب

جزاك الله خير ام مسلم على ردك ماقصرتي والله يفرحك بولدك ويشفيه لك

انا وديت ولدي للطبيب وقال الحمدلله مايحتاج ريسبيردال لانه مو عنيف ولايأذي نفسه ولا اللي حوله
ووصف لنا اوميغا3 وحلسات تخاطب ..

طيب حبيبتي اوميغا 3 اللي عندك هو هايبول او سفن سيز !!

السلام عليكم ورحمة الله وبركاته
طفلي قريب يكمل ست سنوات ولا ادري هل اللي فيه فرط حركة مرضي ام طبيعي
بقول لكم عنه شوي وساعدوني
هو حركته كثيرة يجري ويلعب و ويقفز وحتى عند مشاهدته للكرتون او الافلام حقة الاطفال اذا جا مشهد حماسي يظل يقفز ويركض ويتحمس كثير
بالنسبة للكلام هو يتكلم كثير و لكنه نطقه لبعض الحروف غير سليم مثل حرف الراء يقولها لام والشين سين
بس كلامه مفهوم و هو كثير الاسئلة يسال عن كل شي ولا نهاية لاسئلته مهما جاوبتي
تعلم على العاب الايباد واتقنها وصار اغلب وقته يلعب في الايباد و يعرف يحمل بنفسه ويفتح البرامج ويختار اللي يبي وفيه العاب ترتيب الصور مجموعات يرتبها بنفسه وهكذا
ذاكرته قوية جدا فيما يختص بالاحداث اليومية اللي تصير يحكيها ولا ينساى ما قاله له فلان وما اخبرته فلانة وما وعده فلان حتى احيانا اذا رغب بالذهاب الى مكان ما وقلنا له بكرة نوديك او الاسبوع الجاي من يوم ثاني اول ما يصحى ماما متى بنروح المكان الفلاني ولا ينسى ابدا
ايضا هو يحب يميز الاشياء اللي تختص بكل شخص مثلا الشنطة اذا شافها هذي شنطة خالة وهذا قلم عمي وهذا قميص فلان و يذكر الشوارع مثلا اذا مرينا قريب من منزل احد الاشخاص يقول هناك بيت فلان و هناك المسجد و يدل اماكن المولات او الالعاب يقول بابا لف هنا عشان نروح الالعاب
يذكر الى درجة مرة تفاجات لما لبسته قميص لبسه من قبل فترة طويلة كنا رايحين ملاهي فلما لبسته سالني ماما احنا بنروح الملاهي اليوم مثل ذيك المرة لما كنت لابس هالقميص ؟
يحفظ بعض الاناشيد اللي تجي في التلفزيون حقة الاطفال ما يحفظها تماما بس اجزاء منها وبعض الايات القرانية اللي ارددها معه كل يوم انا اقول البداية وهو يكمل معي اما لحاله ما يعرف الا قليل جدا
اللي خلاني اشك في انه في اعراض فرط الحركة وتشتت الانتباه لما دخلته الروضة صار طول وقته ينشغل بالعاب الروضة المراجيح والزحاليق ويرفض الجلوس بالصف ولما يجبروه على الجلوس يبكي ولا يرضى فيضطروا للرضوخ لطلباته
طبعا لانه ما يجلس بالصف الا فيما ندر لم يتعلم اي شيء لا حروف ولا ارقام ولا الوان وحتى مسكة القلم الان اجد صعوبة في تعليمه
لاني كل ما جبت له الدفتر والقلم ابي اعلمه يمسك يجلس يخربش و يشخبط ولا ينتبه للحرف المكتوب
حاولت بشتى الطرق اجلس معه واعلمه بس انتباهه مو معي دايما يبي يقوم ويلعب
ماادري هل هي عدم رغبة بالتعلم او هو فعلا نشاط مرضي ونقص انتباه مرضي
كيف اعرف والله اني في هم لا يعلم به الا الله

نسيت اقول انه حافظ اسماء الكرتون والشخصيات وانا اخذ له الشخصيات العاب صغيره يحب يلعب فيها ولما يجلس لحاله يحركهم مع بعض ويمثل قصص فيهم ويتكلم باصوات مختلفة كل صوت يمثل شخصية
ويتكلم فصحى مثل الكرتون

مدري احس فيه شغلات ذكية بس عدم حب للتعلم هو اللي مشغل بالي و مخليني بقلق

السلام عليكم...يارب الجميع بصحه وعافيه ... حواءيه كول ..الله لا يجيب الهم والضيقه كلنا على نفس الحال وأشد بس الحمد لله على فضله أحسن من غيرنا أنا ما أزيد على كلام أختي أم مسلم إلا أن ولدك في مرحله مهمه للتطوير دخوله المدرسه مهم جداً وتدريبه في البيت مهم رمزي على الأشياء التفاعلية أكثر شئ تطور الفهم والتواصل مثل لعب جماعي أساله ونقاش وغيره مع الاوميقا والله ييسر أمرك