## التجمع الـــــثامــــ18ـن عـــشــر لشهري يولــــــ 7ــــــيو وأغســــ8ـــطس ##

السلام عليكم ورحمة الله وبركاته

لي كم يوم عنكم .. وحالفه اني ما أرد الا اذا خلصت الواجب :)

أبشركم
رجع زوجي أخيراً بعد ٤ شهور من سفرته
وانشغلت شوي معه ..
وكل يوم أحاول اقرأ اللي أقدر عليه من المشاركات

يووووووه صارت سواليف كثيرة بعدي .. مدري وش أعلق وش أخلي

المهم .. وش اخباركم جميعاً ♥
اشتقت لكم والله ..

هلا والله 
احنا كمان اشتقنا 
ما عرفت اسمك 
هههه 
بنات امس رحت لرد تاغ استغفر الله شريت بس حق المستشفى غالي وعادي مو ذاك الزود وتعبت تعب مو طبيعي وطلعت لسيتي مكس زحمه وحووووووسه مره وتعبت حسيت رجولي بتتكسر ومار اطلع قلت بس مهوب لازم اكمل 

رد تاغ مره سيئ لملابس المواليد
افضل شي سنتربونت تلقين عنده كل شي بس اسعاره غاليه

ضباء مول وينه هذا بالرياض

انا ودي اشتري مثله بس من وين ودي اوصي اهلي يجيبونه لي

مساء الخير كروشات .....انا ضااااايق خلقي وابي رايكم ....
انا اليوم دخلت الثامن ومن الشهر اللي فات وانا احس اني خلاااااص ثقيله ودايم احس بكتمه واتعب من اي مجهوود وعلا طووول عضامي ترجف مااقدرو اوقف عشر دقايق .. وحتى دوالي المنطقه طلعت فيني من الشهر الخامس ...>>طبعا هذا كله من الحمل ادري .....لكن المشكله عندي الطبخ ..انتو عارفين نضام السعوديين غدا رز وعشا اي حاجه بس تكون طبخ ..وانا مشكلتي انه زوجي متين وعنده كرش ويبغا ينحف وعشان كذا مايبي رز غدا ولا عشا ..وديرتي مافيها مطاعم غير مطاعم الرز والمندي ... العشا سهل اي شي عندنا مطاعم الشورما السندويتشات ماتفتح الا بالليل ....وزوجي راعي شغل وطلعه وروحه ...لازم غدا ثقيل شوي وانا تعبت خلاااص مرقوق مااقدر يبي له وقفه وانا مافيني حيل ...... وماابي زوجي يتحطم ويرجع للرز ...... فكرت بالبرقر غدا لانه لحم بس مدري وش احسن شركه عند بنده او العثيم ...

ادري كلامي كثير بس اتمنى تفهموني وتساعدوني وتتعطوني راييكم انا بين نارين الحمل الي تعبني وكرشت زوجل اللي حلمه وحلمي انه تروح......