شاركي في النقاش

سجلي الدخول لإضافة تعليق.

التعليقات

1,683
  1. السلام عليكم ورحمة الله وبركاتة


    يا خواتي انا قريت ردود التجمع من اول صفحة لصفحة ٥٠ وتعبت ��

    بس اطلعت على غالبية الردود والاراء

    وانتو يا اخواتي كنتي زوجة اولى والا ثانية والا ثالثه
    لية محسسيني انكم بمحركة وحرب !

    هذا نصيبك من ربك
    وهو كاتب لك تكونين ضرة والا تجي عليك جارة

    هذا نصيبك من ربك مفروض تحمدينة وتشكرينة انو ربك كتب لك زيجه بالحلال
    وكل شيء يصير لك انما هو خيرة لك

    كل وحدة عليها من بيتها وزوجها وعيالها وتخلص بعناتية وتبتغي الاجر من الله
    ولا تعلمهم الحقد ولا الكره بالعكس كل هذا بيرجع للام بكبر عيالها
    بالعكس علميهم على الحب والتسامح وانهم يحترمون مرت الاب بحترامهم لابوهم

    وكل هذا راح يرجع لرصيدك في الاخرة
    غالبية النساء اللي ازواجهم معددين يكدون ويخططون ويدبرون لاجل دنيااا
    ونسو الاخره اللي فيها حساب وعقاب

    انا توي مو متزوجة لكن عندي خبرة سابقة من خلال تعامل امي ومرت ابوي

    لما كنا صغار لا نخفيكم كثرة المشاكل بينهن عشان هواش الاولاد
    يعني لما نتهاوش انا واختي من ابوي تصير المشاكل بين امي وامها
    وهاتك يا اخذ وعطى وكلمة من هنا ومن هناك
    وتنتهي المشكلة ان امي تدخلنا وتصك الباب ومرت ابوي كذالك تدخل عيالها وتصك الباب
    معلنين القطاعه لمدة لاتقل عن يوم
    بعد كذا نتصالح حنى واخوانا ونلعب وننبسط
    والكبار لسا قلوبهم شايلة على بعض

    والحين صرنا كبار وفاهمين والاخوان حنا كلنا نحب بعض ونتمنى الخير لبعض
    بس الامهات لسا بينهم فجوة !
    ابفهم الحين امي ومرت ابوي وش استفادو بحياتهم
    من خلال تحريشهم وقطاعتهم بالصغر ؟
    ماغير اكسبو ذنوب ويوم الحساب كلن بيلقى حسابة

    ساخواتي الدنيا بيجي يوم وتنتهي
    والانسان وقتها لا يعرف لا امه ولا ابوه
    كلمن يقول نفسي نفسي
    فجهزي حسنات وجمعي لك رصيد خير في يوم نفسي نفسي
    ولا تعذبين عمرك علشان رجال
    ابتغي الاحر من الله وخلي كل همتك للجنة مو لحياة الدنيا

    اسال الله ان يحفظكم ويجنبكم الخلافات والمشاكل
    ويجمعنا فيكم بجنة النعيم


    ويغفر لامي ومرت ابوي ويرزقهم راحه لبال وجنة عرضها السموات والارض
  2. @solang12345

    عزيزتي كل ما ذكرتيه سابقا من مميزات تقولين انها متوفره للزوجه الثانيه متوفره ايضا للزوجه الوحيده
    الفرق هو أن الوحيدة مرتااااحه ماعندها شريكه .
    مهما حاولت زوجه المعدد انها تبين انها مرتاحه وتقنع نفسها لابد بتاكلها الغيره ومستحييييييييييييييييييييييييل ماتغار
    اذا عائشه رضي الله عنها كانت تغار من طبيناتها فمابالك انتي ..؟!

    الوحيده هي الملكه الحقيقيه هي اللي تطلع وتروح وتجي وعايشه حياتها ماتفكر هذا يومي والا مب يومي ولاتفكر وين راح ووين جاء
    وغللط تقولين الوحيده زوجها مقابلها 24 ساعه لأن له حياته ولها حياتها ان جاء هلا ومرحبا وان طلع الله يحفظه انا لي اهتماماتي ومملكتي الخاصه ومريحه دماغي لاني اعرف انه انا الوحيده بحياته وحبيبته اللي يرجع لها كل ليله وينام بحضنها ويقول لها أحبك وهي تعرف انها ما انقالت هالكلمه الا لها وهذا شعور ماراح يعرفه الا من جربه والحمدلله ان الاوليات سبق وجربوا هالشي : )

تابعي تجارب أخرى من هذا القسم.