الملف السابع لبنات المدينة عن المستشفيات والأطباء ملف تفاعلي

ام عياد
الله يطمنك ويطمن اختك
نجوى كل اللي حولي جربوها ويمدحوها انا كنت خايفه منها
ولما اراجع كنت احسها سريعه وماتهتم بس بعد ماجيت وكشفت عليا المناوبة ونادتها
طلعت على طول مع ان عندها مراجعات وطمنتني وحسيتها مهتمه وقريبه من القلب
وكتبت لي رقمها وقالت لي اتصلي في اي وقت واذا حسيتي بأي الم
مره ارتحت ومااستعجلت عليا مع ان رحمي فاتح 3 سانتي

بنات
اللي ولدو وتأمينهم بوبا كلاس بي الشبكة 4 يعني البرونزيه
تفيدني وقت الولاده في نسبة ادفعها من عندي ولا التأمين يغطي كل شي؟
والاجراءات تطول ولا بسيطة لان ماعندي الا امي بتروح معايا

ام عياد اختي ولدت فيه قبل شهر وتمدح فيه مررره تقول خمس نجوم بس ماعندهم كمام للاسف وبعد الولاده ياخذون النونو ما يجيبونه لك الا اذا طلبتيه وانا اذا ربي كتب لي ناويه اولد عندهم بإذن الله لان كل خواتي اللي ولدوا فيه تو يمدحوووونه ممرضات زي العسل على ماقالوا والله يكتب لنا الخيره يا رب

سبحانك اللهم وبحمدك اشهد ان لا اله الا انت استغفرك واتوب اليك

بنات عادي يولدون الكل بمستشفى الامير سلطان ولا بس تبع الحرس 
صاحبتي ولدت فيه تقؤل روووووعه بمعني الكلمه 

الله يسعدك ياحبوبه فادي.. 
ويقومك ربي بالسلامة يامهوش..  طمنينا عنك لما تولدي ان شاء الله... 

الفيلسوفة..  الله يسعدك انتي واختك يارب.. 

نينا..  اعتقد بس اللي يكونوا زوجات او بنات اللي يشتغلوا في القطاع العسكري.. 

انا زوجي في الدفاع الجوي  ..
اسألي واتأكدي من نفس المستشفى أفضل،..

على فكرة ترى انا لسسسسسه مطووووله.. 
حملي 6 شهور الآن..  بس انا مرة قلقانة وخايفة. .
لأن اغلب القابلات اللي مع الدكاترة صاروا سعوديات وما عندهم خبرة أبدا.. 
اختي عذبتها القابلة السعودية .. وبعدين نادت الدكتورة..  يعني حتى مو عارفه  فاي مرحلة من المخاض لازم تجي الدكتورة  ..

هذا اللي مقلقني..  
انا ولدتني ممرضة فلبينية كبيرة بالسن مع الدكتورة..  وربي اني حسيتها هي بنفسها دكتورك ما شاء الله ..
حتى ظن قبل وانا اتوجع وهي واقفة جنبي تطاله في الجهاز وتقيس النبض وكذا..  مرة مهتمة.. 

مو زي اختي..  رمتها فالسرير ولا سألت   فيها قاعدة تسولف وتضحك مع زميلاتها الله يسامحها بس ..
الفلبينيات ماعندهم سوالف وقت الشغل مو زي السعوديات الله يهديهم..